ပီတာဂလန့် - ပုကျယ်နဲ့ သင်္ကြန်လိမ်

ပီတာဂလန့် - ပုကျယ်နဲ့ သင်္ကြန်လိမ်

(မိုးမခ) ဧပြီ ၁၅၊ ၂၀၂၂

အခု ၂၀၂၂ သင်္ကြန်မှာ ပုကျယ် ဂွမ်း​နေတာ​လေး​တွေ အတင်းတုပ်ကြအုံးစို့ရဲ့။ 

မအလပုကျယ် ​မျှော်မှန်းထားတာက ကျန်ခဲ့တဲ့ နှစ်နှစ်က မကျင်းပဖြစ်ခဲ့တဲ့သင်္ကြန်ကို ဒီနှစ်မှာ အပီအပြင်ကျင်းပမဟဲ့လို့ ကြိမ်းဝါးပြီး မြန်မာပြည်ကြီး သာယာ​ပျော်ရွှင်​နေကြသ​ယောင် ပြုမလို့ဆိုပဲ။ 

သို့​ပေမဲ့ သင်္ကြန်မတိုင်မီမှာပဲ မြို့ပြစစ်ဆင်​ရေးက "နန်းထိုက်​အောင်" လို့ အမည်သစ်နဲ့ စစ်ဆင်​ရေးအရည်အ​​သွေးကို မြှင့်ပြလိုက်​တော့ ပုကျယ်စိတ်ကူးအိပ်မက် ပျက်ပြယ်သွားပုံရတယ်။ မလန့်ခံနိုင်ရိုးလား၊ ရန်ကုန် အင်းလျားလမ်းက မအလပုကျယ်အိမ်နဲ့ မျက်​စောင်းထိုးမှာရှိတဲ့ လုံခြုံ​ရေးကင်း အကြုံးခံလိုက်ရလို့ ရဲ​ခွေးတစ်​ကောင်ဂန့်သွားတယ်​လေ။ ဆို​တော့ ရိုးရိုးသားသား သင်္ကြန်လည်​ချင်တယ် ဆိုအုံး​တော့ ရန်ကုန်မှာရယ် မဟုတ်ပါဘူး၊ နယ်မြို့​တွေမှာ​ကော လွတ်လွတ်လပ်လပ် သွားလာလို့ မရ​တော့ဘူး ဖြစ်သွားပါတယ်။ အစစ်အ​ဆေး​တွေ ဒင်းကြမ်းလုပ်ခံရ​တော့တယ်။ ရန်ကုန်မှာဆိုရင်လည်း မြို့​တော်ခန်းမ​ရှေ့ လူဝင်တဲ့အ​ပေါက်ကို မဟာဗန္ဓုလလမ်းနဲ့ ကုန်သည်လမ်းအ​ပေါက်တစ်​ပေါက်ပဲ ဖွင့်ထားပြီး ဝင်​စေတယ်။ ကျန်တဲ့လမ်း​က ဝင်​​ပေါက်တွေကို ပိတ်ထားတယ်။ 

ပြည်သူ​တွေလည်း သူတို့ကျင်းပတဲ့ မဏ္ဍပ်​တွေကို သွားဖို့​ဝေးလို့ ဘယ်သူမှ အပြင်ထွက်ဖို့ စိတ်မကူးကြ​တော့ဘူး။ စကစကိုဆန့်ကျင်တဲ့ ​တော်လှန်သင်္ကြန်က ​အော်တိုခလုတ်နှိပ်လိုက်သလိုပါပဲ။ သင်္ကြန်အကြို​နေ့မှာတွင်ပဲ သူ့လူနဲ့သူ​တောင် ကျုံးသွင်းပြီးမှ ကျင်းပရဲ​တော့တယ်။ ​​နောက်ဆုံးမှာ ငါး​ထောင်စားလို့​ခေါ်တဲ့ အခ​ပေး​ကြေးစား​တွေကို faw ထရပ်ကားကြီး​​တွေ​၊ ​ခွေးဘီလူးလို့​ခေါ်တဲ့ ကား​သေး​သေး​လေး​တွေပေါ်မှာ တင်ပြီး မြို့​တော်ခန်းမ​ရှေ့ ပတ်​မောင်း​​နေရတဲ့အ​ခြေ စိုက်​​တော့တာပါပဲ။ ည​နေခင်းမှာ​တော့ ​မြေနီကုန်း ပြည်သူ့ရင်ပြင်​ရှေ့မဏ္ဍပ်ကို ဖြတ်တဲ့ကားမှန်သမျှ ​သေနတ်တဲ့ချိန်ပြီး ​မောင်းသွင်းကြတယ်ဆိုပဲ။ ​ဟေ ​ဟေ့ အရူးမီးဝိုင်းခံရသလို ​ရေ​လောင်း​နေရတဲ့ ပုကျယ်အပေါက်ဖြစ်​နေပါ​ရော့လား။ ပြည်သူ​တွေ ​ပျော်​နေတာကို ဟန်​ဆောင်ပန်​ဆောင်ပြချင်တဲ့ မအလပုကျယ်​တော့ ဂွမ်းရှာပြီ။

ရန်ကုန်အပါအဝင် မြို့ကြီး​တော်​တော်များများဟာ ကျီးနဲ့ဖုတ်ဖုတ်ဆိုသလို ​​ခြောက်ကပ်​နေလို့မို့ လူစည်​စေချင်တဲ့ သင်္ကြန်ရက်များကို မအလပုကျယ် ဒလန့်လုပ်လိုက်တဲ့ silent strike များလို့​တောင် ထင်မှတ်ရပါတယ်။

စကစရဲ့ အသံလွှင့်မီဒီယာ MRTV, MWD ​တွေဆိုရင် ၂၀၁၉၊ ၂၀၁၈ စတဲ့ ပြီးခဲ့တဲ့နှစ်​​ဟောင်းတွေက မူဗီဖိုင်အ​ဟောင်း​တွေ ထိုးပြ​နေရရှာတယ်။ ပုကျယ်တစ်​ကောင်မှာတော့ဖြင့် မိန့်မိန့်ကြီးနဲ့ "တို့ပြည်သူ​တွေ ညီကြသားဟ" လို့ ဂျင်းထည့်ခံ​နေတယ် ​ပြောရမှာ​ပေါ့။ အမှန်တကယ်က သူ့လက်ကိုင်တုတ် စစ်ခွေး​တွေဟာ လုံခြုံ​ရေး​တောင် ပြည့်ပြည့်ဝဝ မယူနိုင်ကြ​တော့ပါဘူး။ ​ကြောက်​​အောင်လှန့်​ခြောက်​နေတဲ့ အဆင့်ပဲ ရှိ​ပါ​တော့တယ်။

မအလရပ်ကွက်ဘက်က စိတ်ပျက်အားကုန်တဲ့ သတင်း​တွေလည်း ဆက်တိုက်ဆိုသလို ကြား​နေရတယ်။ ဗိုလ်မှူးချုပ်အဆင့်​လောက် ပုဂ္ဂိုလ်​တွေ​တောင် ​​အောက်​ခြေအဆင့်​ကို စည်းရုံးဆွဲ​ဆောင်ဖို့ ​ပြောစရာစကားလုံး ချို့တဲ့​နေကြပြီ။ အမှန်တရားကို ထုတ်မ​ပြောဝံ့​သေး​ပေမဲ့ အမှန်တရားကို ခံစားလို့ရ​နေပြီ ဖြစ်ပါတယ်။ မအလပုကျယ်ဘက်​ ပြောင်းလှည့်ချိန်ဟာ တစထက်တစ နီးလာပြီလို့ ​ပြောရပါမယ်။ ဘယ်သူ သူရဲ​ကောင်းဖြစ်လာမလဲလို့ အဆင်းဘီးတပ်ကာ ​စောင့်ကြည့်ကြရုံပါပဲ။

ကိုဗစ်ကပ်​ရောဂါ​ကြောင့် တစ်နှစ်၊ ပုကျယ်အာဏာငန်းစဖမ်းတာ တစ်နှစ် စုစု​ပေါင်း နှစ်နှစ် ပြည်သူ​တွေဟာ ပွဲ​တော်အ​ပျော်ရက်​တွေနဲ့ ​ဝေး​နေရတယ်။ ဒါတွင်မက ချင်း၊ စစ်ကိုင်း၊ မ​ကွေး၊ ကယား၊ ကရင်၊ ကချင် စတဲ့​ဒေသ​တွေမှာ မအလဖက်ဆစ်တပ်နဲ့ ရင်ဆိုင်တိုက်ပွဲ​ဝင်နေရတယ်။ ​တစ်ဆက်တည်းမှာ ​ဒေသခံပြည်သူ သိန်းချီ​သောကိန်းဂဏန်း​တွေဟာ စစ်​ဘေးဒုက္ခသည် ဖြစ်​နေကြရတယ်။ ဒီလိုအချိန်မှာ လူစိတ်ရှိကြသူတိုင်းဟာ အ​ပျော်မဲ့မဲ့ကာလကြီးကို ဖြတ်သန်း​နေကြရတယ်ဆိုတဲ့ အသိစိတ်နဲ့ သွားလာ​နေထိုင်​နေကြရပါတယ်။ 

ဆို​​တော့ အခုလို အတာသင်္ကြန်နှစ်ကူးချိန်မှာ သူ့ကိုယ်သူ သူ​ကောင်းပြုသူလို့ ထင်မှတ်​စေ​အောင် ပြုမူလာတဲ့ မအလပုကျယ်ခမျာ သနားဖို့ပင်​ကောင်း​သေး​တော့ဟု ​​ပြောရမှာ ဖြစ်​ပါတယ်။ ဘာ​ကြောင့်လဲဆို​တော့ ဒီနှစ်သင်္ကြန်မှာ သကြားမင်းက လူ့ပြည် မဆင်း​တော့ပါဘူးတဲ့။ လူ့ပြည်ဆင်းတဲ့အခါမှာ မ​ကောင်းသူ​တွေအမည်စာရင်းမှတ်ဖို့ ​ခွေးသား​ရေမ​လောက်ငလို့ ဖြစ်ပါတယ်။ မအလပုကျယ်နဲ့ အလိုတူအလိုပါ အမည်စာရင်း​​တွေက ​​ခွေးသား​ရေမှာ မမှတ်နိုင်​လောက်​အောင် များလွန်းလို့ ဖြစ်ပါတယ်။ သည်​တော့ သကြားမင်းက လူ့ပြည် သူမဆင်း​တော့ဘဲ သူ့ဝရဇိန်လက်နက်နဲ့ ပုကျယ်နဲ့အ​ပေါင်းပါတစ်သိုက်ကို အဝီစိထိ အ​ရောက်တန်းပို့မှာ ဖြစ်တဲ့အ​ကြောင်း ​ကြေညာ​မောင်းခတ်လိုက်ရပါတယ်။

ပီတာဂလန့်

သရုပ်ဖော်ကာတွန်း ဘီရုမာ

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar