Breaking News

စံညိမ်းဦး - ငှက်များ

ငှက်များ
စံညိမ်းဦး
(မိုးမခ) ဧပြီ ၁၈၊ ၂၀၂၂
 
ဓာတ်ကြိုးပေါ်
အသိုက်ဆောက်လို့ မရဘူး။
မှန်ရဲ့အရိပ်ထဲက အရုဏ်ဦးကို 
ခဏခဏ ဝင်တိုက်မိကြတယ်။

နေ့တနေ့ရဲ့ လိုဏ်ခေါင်းထဲ 
ခဏခဏ ပိတ်မိကြတယ်။

အမြင့်ပျံရတဲ့အခါ 
ရင်ကော့ထားဖို့ မလိုအပ်ပေမယ့်
အနိမ့်ပျံရတဲ့အခါမှာတော့  
ခေါင်းငုံ့ရကောင်း ငုံ့ရချိမ့်။
လိုရာဆိုက် ပျံသန်းခြင်းအတတ်ဟာ
ချစ်ခြင်းနဲ့မှ သစ်မယ့် ပဉ္စလက်။

ပျံရင်းသေမှ ငှက်
ခရီးဟောင်းတွေက စီးကြောင်းအတွက် ဖတ်စာ။

အတောင်ညီရင်                                                  
တောင်အားလုံးကို ဖြတ်ကျော်နိုင်ပါတယ်။
ပျံသန်းကြ ! 

၂၅ ဇွန် ၂၀၁၉
-

t.me@moemaka
#MoeMaKaMedia
#WhatsHappeningInMyanmar