မိုး သက် ငြိမ် ဦး - ခေါ်သံကြားလား
ခေါ်သံကြားလား
မိုး သက် ငြိမ် ဦး
(မိုးမခ) ဒီဇင်ဘာ ၁၊ ၂၀၂၂
၆၂ က စ လွတ်နေတဲ့ခွေးသရမ်းကြီးဟာ
၂၀၂၁ အထိ လွတ်မြောက်နေတုန်းပဲ
အမည်နာမတွေဘယ်လိုပင်ပြောင်းနေပေမယ့်
ခေတ်ကာလတွေဘယ်လိုပင်ရွေ့နေပေမယ့်
ခွေးသရမ်းကြီးရဲ့စရိုက်လက္ခဏာက
ဘာမှမပြောင်းလဲ အရင်အတိုင်းပဲ ။
....နောင်ကို ဆူဆူပူပူ လုပ်ရင်......စသဖြင့်
....မိုးပေါ်ထောင်မဖောက်ဘူး...စသဖြင့်
.တစ်နိုင်ငံလုံးကို လှန်ပြကော့ထိုးခဲ့တဲ့ ခွေး...
လူမသိသူမသိစျာပနကို လူတွေသိသွားခဲ့ကြ
ခွေးတစ်ကောင်ရဲ့နေဝင်ချိန်မှာ
ခွေးသရမ်းကိုခွေးတွေတရွတ်တိုက်
ဝိုင်းဆွဲနေကြတဲ့
ငရဲခေါ်သံကြားလား ။
အဲ့ဒီနောက် ၈၈
ဂျိုကုပ်ဒူးကြီးကျောပြောင်
ဂျိုကုပ်ဖင်တွန့်....စသဖြင့်စသဖြင့်...မှသည်
ခွေးဘီလူးကြီး ။
တောခိုကြ တော်လှန်ကြ.. ရင်ထဲကြိမ်မီးအုံး
ဟုန်းဟုန်းတောက်သွေးတွေပေါက်ကွဲဆူပွက်ကြ
ကြွေလွင့်ခဲ့ရကြယ်ပွင့်တွေအတွက်သစ္စာပြုကြ
...ကမ္ဘာမကြေဘူး....
ငါတို့သွေးနဲ့ရေးခဲ့ကြတဲ့ မော်ကွန်းတွေ...
နားပါးတဲ့ခွေးတွေဟာ နားစွင့်နေကြမှာပဲ
စာဖတ်ချင်ယောင်ဆောင်နေပေမယ့်
အသံတွေကိုကြားမှာပဲ
အခု ငါတို့အော်နေတဲ့
တိုက်ပွဲခေါ်သံကြားလား ။
အဲ့ဒီနောက် ၂၁
ခွေးကခွေးဆိုတော့ ခွေးရဲ့ဗီဇကိုမဖျောက်ဘူး
မဲမဲမြင်ရာ ကိုက်ဆွဲတယ်
လူက လဲ လူဆိုတော့ လူရဲ့စရိုက်အတိုင်း
အဓမ္မကိုတွန်းလှန်တယ်
အရင်ကတော်လှန်ရေးဆိုတာ တောထဲမှာပဲ
အခုတော်လှန်ရေးက မြို့ပြစစ်ဆင်ရေး
အရင်ကယူနီဖောင်းဝတ်ကိုဖင်တုန်အောင်ကြောက်ရ
အခုယူနီဖောင်းဝတ်တွေကိုအစိမ်းလိုက် - င်ချကြ
ခေတ်က ရွေ့နေတယ်
စစ်ကလဲရွေ့နေတာပဲ
မအလ မအလ...ဆိုပြီးမအေနဲ့ကိုင်တုပ်ဆဲဆို
ဂျိုကျိုးနားရွက်ပဲ့ ခွေးဆိုးတဖွဲ့လုံးကို
တည်တည်ပပ တိတိကျကျ ထိပ်တိုက်
စိန်ခေါ်သံကြားလား ။
ဓမ္မတရားကသာအောင်မြင်ရမယ့်
နွေဦးခေါ်သံကြားလား ။
စနစ်ဆိုးကိုအမြစ်ကဆွဲနှုတ်မယ့်
D Day ခေါ်သံကြားလား ။ ။
29.11.2021
-
t.me@moemaka
#MoeMaKaMedia
#WhatsHappeningInMyanmar
Posts
