ကိုအောင်မှိုင်း - ကြင်စဦး နွေ
ကိုအောင်မှိုင်း - ကြင်စဦး နွေ
(မိုးမခ) ဧပြီ ၁၈၊ ၂၀၂၃
အပျော်တွေကို
ရထားပေါ် တင်ပေးလိုက်တော့
ဘူတာတွေမှာ ကြေးစည်ထုကြတယ်။
ညဥ့်ငှက်တကောင်ကို
ရထားပေါ် တင်ပေးလိုက်တော့
မိုးမိထားတဲ့ အတိတ်ဖြစ်သွားတယ်။
အိပ်မက်တွေကို
ရထားပေါ်တင်ပေးလိုက်တော့
ဧရာဝတီက သက်ပြင်းချတယ်။
အချစ်တွေကို
ရထားပေါ်တင်ပေးလိုက်တော့
စစ်ကိုင်းတံတားကြီးက ငိုတယ်။
ငါ
ကောင်းကင်မော့ကြည့်လိုက်တော့
ပြက္ခဒိန်တွေ ဇောက်ထိုးဖြစ်ကုန်တယ်။
t.me@moemaka
#MoeMaKaMedia
#WhatsHappeningInMyanmar
Posts
