ခိုင်မျိုး - ရွာထဲမှာ

ရွာထဲမှာ

ခိုင်မျိုး

(မိုးမခ) ဧပြီ ၂၁၊ ၂၀၂၃

သိုးတွေရဲ့လည်မြိုကိုနင်းထားတိုင်း

သင့်ကိုယ်သင်ခြင်္သေ့လို့

ထင်မနေနဲ့

ကြည့်လိုက် ...

လေထဲလွှင့်ထားတာ

ဘယ်သူ့အလံတွေလဲ

တောအော်သံညံနေတဲ့မြေမှာ

အကုန်တောဘုရင်တွေချည်းပဲ

ရွာတစ်ခုလုံးသာ

ပေပေညစ်ညစ်အဝတ်စုတ်တွေနဲ့

အမှောင်ထဲမှာ ....

-

Join Us @ MoeMaKa Telegram

t.me@moemaka

#MoeMaKaMedia

#WhatsHappeningInMyanmar