ကျော်ဟုန်း - အကြောင်းရင်း
အကြောင်းရင်း
ကျော်ဟုန်း
(မိုးမခ) စက်တင်ဘာ ၃၊ ၂၀၂၃
မူရင်းမေတ္တံ ဘာဝေထဟာ
ဓား မကိုင်ဘူး
လှံ မကိုင်ဘူး
-လေးမြား မကိုင်ဘူး
ဒူးလေး မကိုင်ဘူး
သေနတ် မကိုင်ဘူး။
တခုခုကို
မရွေးမနေရ
ရွေးရမယ်ဆိုရင်
စောင်းကောက် ကိုင်မယ်
ဒါမှမဟုတ်
တယော ကိုင်မယ်။
ဒါပေမဲ့
အခုအချိန်မှာ
မေတ္တံ ဘာဝေထတွေဟာ
သေနတ်ပူဆာနေပါတယ် ဘုရား။
မြန်မာ့နွေဦးတလရဟာ
မေတ္တံ ဘာဝေထနဲ့ မသွေဖီသမို့
လောကပါလတရားထွန်းကားဖို့
ရှိသမျှဘာသာတရားရဲ့ ဘုရားများက
ခွင့်လွှတ်ပေးတော်မူပါဘုရား။
၂၃၈၂၆
*မေတ္တံ ဘာဝေထ = သတ္တဝါတို့အကျိုးစီးပွားကို လိုလားစိတ်မွေးမြူခြင်း )
-
t.me@moemaka
#MoeMaKaMedia
#WhatsHappeningInMyanmar
Posts
