နိုင်မွန်အောင်သွင် - အိမ်ဦးခန်းမှာ
အိမ်ဦးခန်းမှာ
နိုင်မွန်အောင်သွင်
(မိုးမခ) စက်တင်ဘာ ၂၅၊ ၂၀၂၃
အမြှောက်ကျည်ဆန်ခွံက
စစ်ပွဲကနေအနားယူပြီးတော့
ပန်းအိုးဖြစ်လာတယ်။
အမြင့်တနေရာမှာ
တည်ငြိမ်စွာပြုံးတော်မူနေတဲ့ဘုရားကိုနောက်ခံထားလို့။
ခပ်ညစ်ညစ်ကြေးဝါရောင်ကနေ
ရွှေရောင်အဆင်းကိုအရေခြုံပြီး
ဣန္ဒြေဣန္ဒြာကြီးမားလှစွာ
တသွေးတမွေး
တောက်လို့ပြောင်လို့။
ရိုးသားဖြူစင်သူတို့ရဲ့နှလုံးသားမှာ
ရောလို့ယောင်လို့
အပူဇော်ခံလို့။
ပန်းပွင့်တွေဝေဆာနေတော့
ဘယ်သူမှ
ယမ်းနံ့ရမနေကြတော့ဘူး။
၂၂.၉.၂၀၂၃
-
t.me@moemaka
#MoeMaKaMedia
#WhatsHappeningInMyanmar
Posts
