သီအိုဇော် - မုန်လိုင်ခက်
သီအိုဇော် - မုန်လိုင်ခက်
(မိုးမခ) အောက်တိုဘာ ၁၅ ၊ ၂၀၂၃
မထင်မရှားနဲ့
မြေပုံပေါ်မှာ
ဝိုးတို့ဝါးတား
လူသူသိပ်မသိ
ရှာကြည့်ဖို့တောင် ခက်
စစ်ကို ရှောင်လည်း
ရှောင်လို့ကို မလွတ်ခဲ့တဲ့ နေရာလေး။
အခုတော့
မြေပုံအစီအရီနဲ့
တည်ရှိနေမှုကို
ထင်ထင်ရှားရှား
သက်သေပြသွားခဲ့ရှာသလို
စစ်ရာဇဝတ်ကောင်တွေရဲ့
ရွံရှာစရာ မျက်နှာဖုံးကိုလည်း
သွေးစိမ်းရှင်ရှင်
နာကျင်ဒဏ်ရာတွေကြားက
တာဝန်ကျေကျေ
မရမက
ပီပီပြင်ပြင်
ခွာချပေးသွားခဲ့။
t.me@moemaka
#MoeMaKaMedia
#WhatsHappeningInMyanmar
Posts
