ခက်ဦး - လူ တဲ့
လူ တဲ့
ခက်ဦး
(မိုးမခ) ဇွန် ၃၀၊ ၂၀၂၄
အစာဖြတ်လေဖြတ်
ရေဖြတ်သွေးဖြတ်
အတွေးဖြတ်အမြင်ဖြတ်
အထင်ဖြတ်အပြောဖြတ်
သောကဖြတ်မောဟဖြတ်
ဒေါသဖြတ်လောဘဖြတ်
ကုသိုလ်နည်းနည်းဖြတ်
အကုသိုလ်များများဖြတ်
ဖြတ်ပါများအသွေးအို
သွားပါများအသားဟောင်း
ဝင်ပါများလမ်းဖြစ်
ထွက်ပါများလမ်းပျက်
အသက်ဖြတ်ချမခံရသေးတဲ့အထိပေါ့လေ
အဲ့ဒီ့အခွံကောင်ဟာ
သူ့ကိုယ်သူ
ဘဝင်တွေထူမာနခိုးတွေအူလို့
သူ့ကိုယ်သူ
ရင်ဘတ်ကြီးပုတ်ပုတ်ပြနေရင်းက
သူ့ကိုယ်သူ ။
၃၀ ၆ ၂၀၂၄
-
t.me@moemaka
#MoeMaKaMedia
#WhatsHappeningInMyanmar
Posts
