ဝါကျဖြူ - မှောင်မိုက်ခြင်း

Art by KT#

မှောင်မိုက်ခြင်း

ဝါကျဖြူ

(မိုးမခ) စက်တင်ဘာ ၁၁၊ ၂၀၂၄

တိမ်တွေဟာ

ညနေခင်းထဲမှာ ရှိခြင်း...မရှိခြင်းနဲ့လွင့်မျော ။

မြို့တွေဟာ ရှိခြင်း...မရှိခြင်းနဲ့ပျက်သုဉ်း။

စကားသံတွေဟာ ရှိခြင်း...မရှိခြင်းနဲ့

အမှန်တရားထဲမှာမြုပ်ကွယ် ။

ညနေခင်းဟာ အဝတ်ဝတ်ခြင်း...မဝတ်ခြင်း

ချစ်ခြင်း...မုန်းတီးခြင်း နဲ့ နာကျင်မှုထဲမှာကွယ်ပျောက် ။

စစ်မီးတွေဟာငါတို့အသားတွေကိုစားပြီးအဆုံးမဲ့...။

အမှားတွေဟာအမှန်တွေကိုစားသုံးပြီးအသက်ဆက် ။

7/9/24

-

Join Us @ MoeMaKa Telegram

t.me@moemaka

#MoeMaKaMedia

#WhatsHappeningInMyanmar