ဝင်းမင်းခိုင် - လက်အောက်ခံပြဿနာ

 

Art - KT#

လက်အောက်ခံပြဿနာ
ဝင်းမင်းခိုင်
(မိုးမခ) ဇွန် ၂၅၊ ၂၀၂၅

ငါတို့ကြား
ထိပ်တိုက်တိုးမိတာလည်းရှိ
ပွတ်တိုက်မိတာတွေလည်းရှိမယ်
လျှာနဲ့သွားလို
ကိုက်မိသွားတာလည်းရှိ
သွားနေကျလမ်းတောင်မှ
ခြေထောက်နဲ့ ခလုတ်လိုတိုက်မိတာလည်းရှိမယ်
ဒီအပင်ကို
အမြစ်ကလှန်ထုတ်ပြီးရင်တော့
ကျွဲကူးရေပါ
အကိုင်းအခက်ပြဿနာတွေ
ပင်စည်နဲ့အတူပြိုလဲသွားလိမ့်မယ်
ဖြစ်စရာရှိရင်ဖြစ်လိုက်မယ်
ပြီးရင်တော့
လင်နဲ့မယားလိုချစ်နေဖို့ပဲလိုအပ်တယ်

၂၅.၆.၂၅
- 

 

Join Us @ MoeMaKa Telegram
t.me@moemaka
Please show your support, donate with Zelle
#MoeMaKaMedia
#WhatsHappeningInMyanmar