ကိုအောင်မှိုင်း - အချစ်၊ စစ် နဲ့ ဟိုက္ကူ

ကိုအောင်မှိုင်း - အချစ်၊ စစ် နဲ့ ဟိုက္ကူ

(မိုးမခ) မတ် ၃ ၊ ၂၀၂၃

ဆရာကြီးမင်းသုဝဏ်က ဟိုက္ကူကဗျာကလေးတွေကို လေ့လာတဲ့အခါ ပထမ တွေဝေသွားခဲ့တယ်။ နောက် ကဗျာအရသာကို တဖြည်းဖြည်း ခံစားလာမိတယ်။ ဂျပန်စာဆိုတွေရဲ့  စေ့စပ်သေချာမှု၊  သိပ်သည်းကျစ်လျစ်မှု၊ စနစ်ဇယားရှိမှု၊ စည်းကမ်းရိုသေမှု၊ ချွေတာခြိုးခြံမှု၊ စွဲလမ်းခိုင်မာမှု၊ ထကြွထက်သန်မှု၊ ကြိုးစားအားထုတ်မှု၊ ထိန်းသိမ်းစောင့်ရှောက်မှု စတဲ့ ကြည်ညိုဖွယ်ဂုဏ်တွေကို တွေ့လာရတယ်လို့ ဆိုခဲ့ပါတယ်။ 

ကျနော် တွေးရင်း ရေးရင်း ဟိုက္ကူကဗျာလေးတွေကို စွဲလမ်းလာမိတယ်။

တကယ်တော့ ကမ္ဘာကြီးဟာ အနုပညာပန်းခင်းကြီးတခု မဟုတ်ပါလား။

ဟိုက္ကူတို့ တေးကျူးရင့်

အလွမ်းဓာတ်ခံရှိလို့ထင့်

အလွမ်းတွေဆင့်

အနမ်းတွေပွင့်

ပန်းတွေဝံ့။

— အနမ်း ( ဟိုက္ကူ ) —

သစ်ခွရဲ့ နှုတ်ခမ်း

နဖူးပြင်ထက်မှအနမ်း

ပန်းတပွင့်လိုလန်း။

* * *

— လမ်း ( ဟိုက္ကူ ) —

ပန်းတို့ သွေးရောင်လွှမ်း

ချစ်ခြင်းမေတ္တာကို မျှော်မှန်း

ခရီးလမ်းကကြမ်း။

* * *

— နှောင်ကြိုး ( ဟိုက္ကူ ) —

အေးချမ်းတဲ့ လရောင်

ချစ်သူနှစ်ဦးကို ရစ်နှောင်

သဘာဝလက်ဆောင်။

* * *

— အနာဂတ် ( ဟိုက္ကူ ) —

မီးလောင်ပြင်မှသည်

ပြည်သစ်ကိုထုဆစ်ဘို့ရည်

ရာဇဝင်သစ်ဆီ။

* * *

— နွေဦး ( ဟိုက္ကူ ) —

မုန်တိုင်းခြိမ့်ခြိမ့်သဲ

မိုးဆုံး မြေဆုံး တိုက်တဲ့ပွဲ

ပြည်သူတို့ လက်မြဲ။

* * *

— ချစ်ဦး  ( ဟိုက္ကူ ) —

ငယ်ချစ်နှစ်တရာ

လွမ်းတေးမဆုံးစေချင်ပါ

သံသာလေကမ်းသာ။

* * *

— ရင်ခွင် ( ဟိုက္ကူ ) —

ချိုမြိန်တဲ့အနမ်း

ချစ်သူ့ပါးထက်မှာဆင်မြန်း

တမ်းတမိနှုတ်ခမ်း။

* * *

— အချစ် ( ဟိုက္ကူ ) —

အချစ်ဆိုတာဟာ

ပေးဆပ်ခြင်းရဲ့မေတ္တာ

နှောင်ဖွဲ့ခဲ့သစ္စာ။

* * *

— ပလ္လင်ပေါ်ကဆင်း ( ဟိုက္ကူ ) —

စစ်သူခိုး ဓားပြ

ပြည်သူထံကို လက်နက်ချ

တင်မိုး ရှေ့ဆောင်ပြ။

* * *

— ရင်ထဲကဆူး (ဟိုက္ကူ ) —

အကြွေစောသူတွက်

တချို့သူတွေ နေနိုင်ရက်

ပိတောက်တန်ဖိုးမဲ့။

* * *

— ပန်းတိုင်  ( ဟိုက္ကူ ) —

ရပ်နေရင် မရောက်

ရှေ့ဆက်လျှောက်ရင် ရွာမပျောက်

လမ်းဆုံးရင် ရွာရောက်။

* * *

(နွေဦးမှာ ဥဩတွေ တေးသီကျူးကြစမြဲသာ )

ကိုအောင်မှိုင်း

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar