နိုင်မွန်အောင်သွင် - ဓားအိမ်ကဓားကိုမျိုထားမတတ် ချစ်သလိုမျိုး...၊ နောက်ဆုတ်ရိုးထုံးစံမရှိဘူး ဟန်နီ

ဓားအိမ်ကဓားကိုမျိုထားမတတ် ချစ်သလိုမျိုး...၊

နောက်ဆုတ်ရိုးထုံးစံမရှိဘူး ဟန်နီ

နိုင်မွန်အောင်သွင်

( မိုးမခ) စက်တင်ဘာ ၇၊ ၂၀၂၃

မင်းပေးခဲ့တဲ့သက်တံလေးဟာ

အိပ်မက်တွေထဲအထိ

လာရောက်ညွတ်ကိုင်းနေခဲ့တယ်။

ရင်ညွန့်မှာ မီးပွားတွေလွင့်ကျနေတာတောင်မှ

နှလုံးသားက စုံလုံးကန်းနေဆဲပဲ။

ကိုယ့်ရာဇဝင်နဲ့ကိုယ်

ကိုယ့်မြို့ရိုးကို ကိုယ်မြိုထားတယ်။

ပြေးလို့လွတ်မယ်ဆိုလည်း

ငါ့နှလုံးသားက မကျွတ်မလွတ်။

လွမ်းဖို့ကောင်းလည်း

ဒီလမ်းကိုပဲ ဆက်လျှောက်မယ်။

ချစ်ခြင်းက

သွေးကြောတွေထဲအသက်ပြင်းခဲ့ပြီ။

ဘဝဆိုတာ

ရရာလက်နက်နဲ့ ရှေ့တက်ရဲဖို့ပါပဲ။

ဓားအိမ်ကဓားကိုမျိုထားမတတ် ချစ်သလိုမျိုး...၊

နောက်ဆုတ်ရိုးထုံးစံမရှိဘူး ဟန်နီ။

၇.၉ ၂၀၂၃

t.me@moemaka

#MoeMaKaMedia

#WhatsHappeningInMyanmar

ကြော်ငြာရန်