ကိုသန်းလွင် - ဆဲရေးတိုင်းထွာခြင်း

ကိုသန်းလွင် - ဆဲရေးတိုင်းထွာခြင်း

(မိုးမခ) နိုဝင်ဘာ ၁၂၊ ၂၀၂၃

( ၁ )

ရင်ထဲမှ ခံစားချက်များကို နှုတ်မှ ဆဲရေးတိုင်းထွာခြင်းဖြင့် ဖွင့်ဟ ထုတ်အန်လိုက်သောအခါ ရင်ထဲမှ ဝန်ထုပ်ဝန်ပိုးကို ပြေငြိမ်းသွားစေပါသည်။ ကျွန်တော်တို့၏ ခံနိုင်ရည်အားကိုလည်း ဖြစ်စေပါသည်။ ၎င်းသည် ကြားရသူကို အံ့အားသင့်စေပြီး မရိုမသေ လုပ်ရာရောက်ခါ အဓိပ္ပာယ်လည်း အများကြီး ပိုသွားစေပါသည်။ ရင်ထဲမှ ဖြစ်နေသည့် တင်းအားကို မြှင့်တင်နိုင်သလို လျှော့၍လည်း သွားစေနိုင်ပါသည်။

တခါတရံ ဆဲဆိုခြင်းဖြင့် လူနှစ်ဦး၏ ရင်းနှီးမှုကို ပြသရာလည်း ရောက်ပါသည်။

၎င်းတွင် လျှို့ဝှက်ချက်များ ရှိနေပါသည်။ ဤသို့ ဆဲရေးခြင်းဖြင့် ကျွန်တော်တို့ကို တစ်နေရာသို့ရောက်အောင် တွန်းပို့နေပါသည်။ ယခင်က မရေမရာသာ တွေးထင်ထားသော်လည်း ပြောပြီးသည့်အခါ ဖြစ်အောင် လုပ်ရပါတော့မည်။

( ၂ )

ဘာသာရပ်အားလုံး၌ မနှစ်မြို့ဖွယ်စကားများ ရှိနေကြပါသည်။ ထိုစကားလုံးများကို ယဉ်ကျေးသည့် လူများက ယဉ်ကျေးသောနေရာ လူ့အဖွဲ့အစည်းအတွင်း ထုတ်၍ မပြသကြပါ။ ၎င်းသည် ဘာသာရေးဆိုင်ရာ နေရာများ၌ လည်းကောင်း၊ အညစ်အကြေးစွန့်ခြင်း၊ ရောဂါ၊ လိင်အင်္ဂါဆိုင်ရာ အကြောင်းအရာများတွင် လည်းကောင်း ရှိနေကြပါသည်။ သို့မဟုတ် လူတို့ကို ဘာသာရေးဆိုင်ရာ ကိစ္စရပ်များတွင် ဖြစ်စေ၊ လူပုဂ္ဂိုလ်ဆိုင်ရာ ကိစ္စရပ်များတွင် ဖြစ်စေ၊အန္တရာယ်ပြုနိုင်ကြပါသည်။

ဘာသာစကားဆိုင်ရာ ပညာရှင်များက စကားလုံးတစ်လုံးသည် အများက ယဉ်ကျေးပါသည်ဟု လက်ခံနိုင်စေကာမှု တချိန်တွင် မသင့်လျော်သည့် စကားလုံး ဖြစ်သွားနိုင်ပါသည်။ ထိုနည်းတူအများက ရိုင်းပျသည်ဟု သတ်မှတ်ကြသော်လည်း အချိန်ကြာလာသည်နှင့်အမျှ လူအများ လက်ခံသောစကားလုံး ဖြစ်သွားနိုင်ပါသည်။ ဆဲဆိုကြိမ်းမောင်းခြင်းသည် ရန်ပြုလိုသည့် အပြုအမူမျိုး ဖြစ်သည်။

အဘယ်ကြောင့်ဆိုသော် ခံရသူကို နစ်နာစေလိုသော သဘောများ ပါဝင်နေသောကြောင့် ဖြစ်ပါသည်။

ဆဲဆိုလိုက်ပြီဆိုသည်နှင့် ပတ်ဝန်းကျင် ရှိလူများ၊ ထိုဆဲဆိုချက်ကို ကြားရသူများအဖို့၌ မရိုမသေပြုသည့် ရည်ရွယ်ချက်များ ပါဝင်နေ၍ ဖြစ်သည်။

ဆဲဆိုကြိမ်းမောင်းရာတွင် သုံးသော စကားလုံးများကို စာဖြင့် ရေးသားဖော်ပြရာတွင် အရေးကြီးသော စကားလုံးများကို (*Asterisk) ဖြင့် အစားကိုလေ့ရှိကြသည်။ ထိုစကားလုံးများကို တစ်ခါတစ်ရံ ရှောင်ကွင်း၍ ရနိုင်ပါသည်။ သို့သော် အဓိပ္ပာယ်ပေါ်ပေါက်စေရန်မှု ထိုသို့ ရေးကြရပါသည်။

ထိုစကားလုံးသည် ရိုင်းမှန်း သိပါသည်။ သို့သော် သင့်ခံစားချက်ကို ထိခိုက်မှုမျိုး မဖြစ်စေလိုပါ။

လူတစ်ယောက်သည် အဆက်မပြတ် ရုန့်ရင်းကြမ်းတမ်းသော စကားလုံးများကို ဆက်တိုက်သုံးစွဲနေသည်။ နားထောင်ရသူက စကားပြောသူအပေါ် နားလည်ရမည်မှာ ထိုသူသည်ဆဲရေးနေပြီး သို့သော် ခင်မင်ရင်းနှီးမှုကတော့ရှိနေမြဲပင် ဖြစ်ပါသည်။

ခင်မင်လေးစားမှုကတော့ လျော့မသွားပါ။ ထိုသို့သော အပြုအမူက ဆဲဆိုသူနှင့် နားထောင်ရသူကို ပို၍ ပို၍ ရင်းနှီးမှုကို ခိုင်မာစေပါသည်။ တစ်ဦးနှင့်တစ်ဦး ယုံကြည်မှုရှိပြီး ဖြစ်ပါက ဤနည်းဖြင့် ဆက်သွယ်ရခြင်းမှာ အခြားနည်းလမ်းများထက် ပိုမို၍ ထိရောက်မှုရှိပါသည်။

အားကစားပြိုင်ပွဲတခုတွင် ဖြစ်စေ၊ စားသောက်ဆိုင် ဘားများ၌ဖြစ်စေ ဤကဲ့သို့ ခပ်ရိုင်းရိုင်း ပြောဆို ဆက်ဆံကြခြင်းများ ရှိကြပါသည်။ သို့သော် အလုပ်ခွင်တွင် ထိုသို့ ဖြစ်နိုင်ပါသလား။ 

နယူးဇီလန် ဆပ်ပြာ စက်ရုံတခုတွင် ၂၀၀၄ ခုနှစ်က စစ်တမ်းတခုတွင် ဤကဲ့သို့ ရိုင်းပျသော စကားလုံးများကို ပြောဆို၍ အလုပ် လုပ်ကြခြင်းမှာ မဆန်းတော့ပါဟု ဆိုသည်။ မိတ်ဆွေတဦးနှင့်တစ်ဦး အကြား၌ ရှိနေပြီး ဖြစ်သည်။ သို့သော် ရင်းနှီးပြီးသား မဟုတ်သော ပတ်ဝန်းကျင်အသစ်၌မူ ထိုကဲ့သို့ အပြောအဆို ပွင့်လင်းမှုမရှိဟု ဆိုလိုသည်။

ထိုသို့ ရိုင်းစိုင်းစွာ ပြောဆိုပြီး ခင်မင်ရင်းနှီးမှုကို ပြသခြင်းမှာ အချိန်ကိုလိုက်၍ ပြောင်းလဲမှု ရှိနေသည်။ ၁၉၇၆ ခုနှစ်က Sex Pistol ဟူသော မူးဇစ်တေးဂီတအဖွဲ့တခု၏ မီဒီယာအင်တာဗျူးတခုတွင် အမေးခံရသူက “fucking spent the money” ဟူ၍ ပြောချလိုက်ရာ ထိုပြောသူမှာ ရာထူးမှ ချက်ချင်း နုတ်ထွက်ပေးလိုက် လိုက်ရသည်။ 

ထိုအဖွဲ့သည်ပင် ၂၀၀၄ ခုနှစ်၌ အင်တာဗျူးလုပ်ပြန်ရာ ဤပွဲတွင် ပထမပွဲကဲ့သို့ ရိုင်းရိုင်းစိုင်းစိုင်း ပွင့်ပွင့်လင်းလင်း ပြောခဲ့သော်လည်း ပရိသတ်က ဘယ်လိုမှ မတုံ့ပြန်ခဲ့ချေ။ တစ်ခု ပြောရန်ရှိသည်မှာ ၁၉၇၆ ခုနှစ်က ဤအဖွဲ့မှာ ကျော်ကြားမှုမရှိသေး။ ၂၀၀၄ ခုနှစ်တွင်မူ မသိသူ မရှိအောင် ကျော်ကြားနေပါပြီ။ သူတို့ ပြောသမျှပရိသတ်က သေချာနားထောင်ကြသည်။

ဆဲရေးတိုင်းထွာခြင်းဟူသော စကားလုံးများသည် အချိန်၊ ပရိသတ်အခြေအနေများကို လိုက်၍ ထိရောက်မှုများ ပြောင်းလဲနေကြပါသည်။

ထို့ကြောင့် စကားတခွန်းကို ပာဆိုရာတွင် နေရာအခင်းအကျင်းမှာ အရေးကြီးပါသည်။ အလုပ် အင်တာဗျူးတွင်ဖြစ်စေ၊ သင်၏ ယောက္ခမများနှင့် ပထမဆုံး တွေ့ဆုံပွဲ၌ဖြစ်စေ၊ ရိုင်းပျသောစကားများကို မပြောမိစေရန် သတိထားရမည်။

ကလေးထိန်းတယောက်က ထိုကဲ့သို့သော စကားများကို လူပုံအလယ် ကလေးငယ်၏ ရှေ့တွင် ပြောကြားနေပါက သင်လည်း ကြိုက်နှစ်သက်နိုင်မည် မဟုတ်ပါချေ။

ဤသို့ ဆိုခြင်းဖြင့် “ရိုင်းပျသော စကားများကြောင့် အံ့သြခြင်း မဖြစ်ရတော့ပြီလော”ဟု မေးစရာရှိပါသည်။ လူမျိုးရေး ကွဲပြားမှု၊ လိင်ဆိုင်ရာကိစ္စများ၊ ဒုက္ခိတများနှင့် ပတ်သက်သော အရာများတွင် လွန်ခဲ့သော ဆယ်နှစ်၊ အနှစ်နှစ်ဆယ်ကာလများထက်ပို၍ လက်မခံနိုင် ဖြစ်လာကြပါသည်။

ကျွန်တော်တို့ကို ရိုင်းပျသော စကားလုံးများက အံ့အားသင့်စေခြင်းမှာ လျော့မသွားပါ။ အချိန်နှင့်အမျှ ပြောင်းလဲသွားခြင်းသာ ရှိပါသည်။ အံ့အားသင့်ကြသည်မှာ မဆန်းတော့ပါ။ 

၂၀၂၀ ပြည့်နှစ်တွင် (Netflix) နက်ဖလစ် က “Gone with the wind” ရုပ်ရှင်ကားကို ပြသနေရာမှ ရပ်ဆိုင်းလိုက်ရပါသည်။ ဇာတ်လိုက်က ပြောသောစကားမှာ ရိုင်းပျသွား၍ ဖြစ်ပါသည်။ ကာလအတန်ကြာမှ ဗွီဒီယိုရှင်းတမ်းနှင့်အတူ ‘ဤရုပ်ရှင်ကားတွင် ရိုင်းပျသော စကားလုံးများ ပါဝင်ပါသည်။'

ဟူသော စာတမ်းထိုးကာ ရုပ်ရှင်ကို ပြန်လည်ပြသခဲ့ပါသည်။ ဤဇာတ်ကားတွင် ပြောဆိုချက်များမှာရိုင်းပျမှုများ ရှိနေသဖြင့် ကြည့်ရှုသူ၏ စိတ်ကို အနှောင့်အယှက် ဖြစ်စေသည်ဟူ၍ ဖြစ်ပါသည်။

၁၉၉၂ ခုနှစ် ခရစ္စမတ်နေ့က ပြောကြားခဲ့သော မိန့်ခွန်းတွင် ဘုရင်မကြီး အယ်လီဇဘက် Elizabeth II က annus horriblis ဆိုသော လက်တင်စကားလုံးကို ထည့်သွင်းပြောကြားခဲ့သည်။ အင်္ဂလိပ်အဓိပ္ပာယ်မှာ ကြောက်မက်ဖွယ်ကောင်းသောနှစ် (horrible year) ဟု အဓိပ္ပာယ်ရပါသည်။

ထိုမိန့်ခွန်းကို အနှစ် ၃၀ ကျော် ကြာသည်အထိ ထိုပရိသတ်က စွဲစွဲမြဲမြဲ သတိရနေခြင်းမှာ ဤစကားလုံးများကြောင့် ဖြစ်သည်။ နက်ဖလစ်က ပြသခဲ့သော Crown ရုပ်ရှင်ကားကြောင့်လည်း ပါပါသည်။ ခရောင်းမှာ ဘုရင်မကြီး၏ ဘဝအကြောင်း ဖြစ်ကြောင်းကုန်စင် ရိုက်ပြထားခြင်း ဖြစ်သည်။ 

ဘုရင်မကြီးက ဝန်ကြီးချုပ် အပါအဝင် ဆွေတော်မျိုးတော်များ ခံရံလျက် ဤစကားလုံးကို တိုင်းပြည်သို့ ပြောကြားခဲ့ခြင်းမှာ ၁၉၉၂ ခုနှစ်သည် သူ့ဘဝအတွက် အထင်ကရနှစ် ဖြစ်၍ မေ့၍ရမည် မဟုတ်ကြောင်း ဖြစ်သည်။

ဤစကားလုံးမှာ ဤနေရာ၌ သင့်တော်၏၊ မသင့်တော်၏မှာ ကြည့်ရှုသူအပေါ်တွင်သာ မူတည်၍သာ ဆုံးဖြတ်ရန် ဖြစ်ပါသည်။ သူသာ ဘုရင်မတယောက် မဟုတ်ဘဲ ဤကဲ့သို့သော အခမ်းအနားမျိုး မဟုတ်ခဲ့လျှင် ‘သောက်ကျိုးနည်း ဆိုးရွားတဲ့နှစ်’ ပါပဲဟု ပြောမည် ဖြစ်သည်။ ငါးစိမ်းသည်မတယောက်သာ ဆိုလျှင် မကြားဝံ့ မနာသာ ရုန့်ရင်းကြမ်းတမ်းသော အသုံးမျိုးကို သုံးနိုင်ပါသည်။ သို့သော် တတိုင်းပြည်လုံး ကြည့်ကြ မြင်ကြရမည့်ပွဲတွင် ဘုရင်မကြီးက လက်တင်လိုပြော၍သာ အဓိပ္ပာယ်ဖော်ခဲ့ပါသည်။

ကြားရသူများ စိတ်တွင် ဘုရင်မကြီး ဖြစ်စေချင်သလို အံ့အားသင့်ခြင်း စိတ်ဝင်စားခြင်း ဖြစ်ပေါ်ခဲ့ပါသည်။ ထို့ကြောင့် ဤမိန့်ခွန်းအကြောင်းကို အနှစ် ၃၀ ကျော်ကြာသည့်တိုင် သူ့ဘဝအကြောင်း ရုပ်ရှင်ကားတွင် ရိုက်ကူးဖော်ပြခဲ့ခြင်း ဖြစ်ပါသည်။

( ၃ )

၂၀၁၁ ခုနှစ်က ဘာရစ်ဂျွန်ဆင်သည် လန်ဒန်မြို့တော်ဝန် ဖြစ်နေရာ ရဲတစ်ယောက်ကို ဆေးမှီဝဲသလားဟု သံသယဖြင့် ရှာဖွေခံရသူ တစ်ယောက်က မဖွယ်မရာ ဆဲဆို၍ တုန့်ပြန်မှုတခု ဖြစ်ခဲ့ပါသည်။ မြို့တော်ဝန်က လုံးဝခွင့်မလွှတ်ရေး Zero Tolerance ပေါ်လစီဟုဆိုကာ ထိုသူကို ထိရောက်စွာ အရေးယူမည်ဟုပြောကြားခဲ့ပါသည်။ 

ထိုအချိန်က ပြစ်မှုကျူးလွန်သူကို ပေါင်ဒဏ်ငွေ ၅၀ ရိုက်ခဲ့ပါသည်။ နောင် ၄ နှစ်အကြာ ၂၀၁၅ ခုနှစ်တွင် ဂျွန်ဆင်က တက္ကစီမောင်းသမားတစ်ယောက်ကို စိတ်ဆိုးမာန်ဆိုးဖြင့် “Fuck off and die” ဟု ပြောသည်ကို သတင်းထောက်များက ဗွီဒီယိုရိုက်ကူး၍ မှတ်တမ်းတင်နိုင်ခဲ့ကြပါသည်။ ဘာရစ်ဂျွန်ဆင်မှာ အင်္ဂလန်ဝန်ကြီးချုပ် ဖြစ်လာခဲ့သဖြင့်လူကြီးလူကောင်းတို့၏ အပြုအမှုမျိုးမရှိဟု မှတ်ချက်ချကြရသည်။

အမေရိကန်ပြည်တွင် ဤကဲ့သို့ လူမြင်ကွင်းတွင် ဆဲဆိုမိပါက ဒါ်လာ ၂၀ မှ ၂၅၀ အထိရိုက်ခံရဖွယ်ရှိသည်။ 

ကနေဒါနှင့် သြစတြေးလျနိုင်ငံတို့တွင် လူအများ မကြားဝံ့မနာသာ ဆဲဆိုမိပါက “Outrage of Modesty” ဆိုကာ ထောင်ဒဏ်၊ ငွေဒဏ်များချမှတ်ခံရနိုင်သည်။ စင်ကာပူတွင် လည်းအလားတူဒဏ်ငွေနှင့် ထာင်ဒဏ်များချမှတ်နိုင်သည့် ဥပဒေရှိသည်။ 

အမေရိကန်ပြည်ရှိ ရုပ်ရှင်ကားများ ဗီဒီယိုများတွင် ဆဲဆိုခြင်း စသည့် ကြမ်းတမ်းသော စကားများကို တားမြစ်နိုင်သော (FCC Federal Communication Commission) ရှိ အင်္ဂလန်ပြည်တွင် Ofcom’s Broadcastnig Code ဟူ၍ ရုပ်ရှင်များတွင် လူအများလိုက်နာရန် စည်းမျဉ်းများဖြင့်  တားမြစ်ထားပါသည်။

Ref: Swearing is so much fun By Rebecca Roache N.Y. Times November 2 2023

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar