ခိုင်မျိုး - ရွာထဲမှာ
ရွာထဲမှာ
ခိုင်မျိုး
(မိုးမခ) ဒီဇင်ဘာ ၇၊ ၂၀၂၄
မြို့တော်ထဲမှာ
မပျံနိူင်တဲ့ခိုတွေဟာ
အိမ်အပြန်ဘတ်စ်ကားတစ်စီးပေါ်ကိုတက်ဖို့
ကားမှတ်တိုင်မှာအသက်ကြီးနေကြတယ်
လျှပ်စစ်မီးတွေကတော့
တစ်ဖက်လမ်းစပ်ဘီယာဆိုင်ကြီးထဲ
ကခုန်ပျော်မြူးနေလို့ပေါ့
လမ်းမကြီးဟာ သူနာမည်ကိုမေ့ထားလိုက်တာကြာပြီ
ဖွင့်လိုက်ပိတ်လိုက်အလုပ်ခံရတဲ့သူ့ကိုယ်ပေါ်က
တံတားတွေကိုလည်း
ဘာမှမပြောဝင့်တာကြာပြီ
သဲအိပ်စုကြီးတစ်စုကတော့
လမ်းဘေးမှာဆေးလိပ်သောက်ေနကြလေရဲ့
မြို့လား
မြို့ပျက်ကြီးလား
ခိုတွေဟာကားတစ်စီးပေါ်တက်ရင်း
အသက်ရှုသံတွေနဲ့ငြိပြီးေသဆုံးကုန်ကြတယ်
ပြန်မလာတဲ့အချိန်နောက်မှာ
လူတစ်ပိုင်း
ကျောက်ရုပ်တစ်ပိုင်းမနုဿတွေ ....
-
t.me@moemaka
#MoeMaKaMedia
#WhatsHappeningInMyanmar
.png)
Posts
