နီမင်းထက် - အံသွားတွေငုံ့ပြီးငါ့ကိုကြိတ်ဝါး

Art- Aung Htet

အံသွားတွေငုံ့ပြီး ငါ့ကိုကြိတ်ဝါး
နီမင်းထက်
(မိုးမခ) အောက်တိုဘာ ၁၊ ၂၀၂၆

တယောက်ကဖုန်းခေါ်ဖို့ပြောတယ်
တယောက်ကဖုန်းခေါ်မယ်ပြောတယ် 
ညကငါ့အပေါ်ပိကျလို့နေတယ်လား 
လသာတာခဏ ပင်လယ်ဟာဒီတက်လို့ ဆိုတာပါပဲလား
တခါတခါတော့ ခွေးကိုက်တတ်တဲ့လမ်းနဲ့ သော့ခတ်မရတဲ့တံခါးနဲ့ 
ကဗျာကလည်း ဗျာပါဒမှာပဲ က,နဲ့ 
ကိုခင်ဝမ်းလိုတွင်းထဲကိုငုံ့ပြီးအော်လိုက်ရမလား 
ကမ္ဘာကြီးရေ အရက်ပုလင်းဟာကုန်ဖို့အမြဲလက်တလုံးဘာလို့လိုနေတာလားပေါ့
ပလ္လင်ပေါ်ကမျောက်ကလေး ဆော့စရာပါးစပ်ကလေး ဘော်လုံးကန်တယ် 
အဆီတဝင်းဝင်း ဂျီဒီပီအရ ကော်ခွက်စုတ်စက္ကူစုတ်တွေဈေးပြန်ကောင်း 
ပလတ်စတ်ကောက်တဲ့ခေတ်ပြန်ရောက်တော့မှာမလွဲပဲ
စိတ်ကိုလည်းချထားရ လက်ကိုလည်းချထားရ 
အကျအန အနာကျနေတဲ့ ညကြီးမွန်းတည့်ရဲ့ 
တလွမ်းဝင်တလွမ်းထွက် ခရေပွင့်ကြွေတွေကောက် 
လေးဆယ်ကျော်မှဘဝစတဲ့ မေ့သားရွှေသွေး လူမမယ်လေးရဲ့
ဒါဝင်ကိုငါကျေးဇူးတင်မိ ဒါလီကိုတော့ငါသနားမိ 
ဒိုင်ခွက်မပါတဲ့နာရီတလုံးဟာ လက်ပဲဆော့မှာပေါ့တဲ့
ဒါနဲ့မင်းကရောငါလားပဲ
အဲ့ဒီနေ့ညနေကပေါ့ 
မိုးတွေတအားရွာချလို့ပေါ့ 
အမှောင်ပေါ့ 
ဟာပေါ့ 
ဗွက်ပေါ့ 
နစ်ပေါ့။            ။

၂၃.၉.၂၆                 

 

Join Us @ MoeMaKa Telegram

t.me@moemaka

Please show your support, donate with Zelle

Zelle to moemaka.org@gmail.com "MoeMaKa Multimedia"

Like and Subscribe MoeMaKa YouTube Channel

youtube.com/@moemaka

Like us on MoemaKa Facebook

Follow us on X

X.com/MoeMaKa

#MoeMaKaMedia

#WhatsHappeningInMyanmar