အောင်မော်ဦး - " To George Floyd”
"To George Floyd"
အောင်မော်ဦး
(မိုးမခ) ဇွန် ၁၊ ၂၀၂၀
" To George Floyd”
No Justice
No Peace.
I Can’t Breath
We Can’t Breath.
Please!
Take Your Knee Off My Neck
Take Your Knee Off Our Planet.
ဒီနေ့ အမေရိကန်ပြည်ထောင်စုမှာ သုံးစရာစကားလုံးတောင်မရှိလောက်ေ အာင် ရူးနှမ်းမိုက်မဲလွန်းလှတဲ့ သမ္မတတယောက်ကြောင့် ပဋိပက္ခမီးတွေနဲ့ လောင်မြိုက်နေပါပြီ။ ခုလို အရေးအခင်းမျိုးဖြစ်တိုင်း အစွန်း ရောက်အုပ်စုတွေရောက်ချလာ ပြီး အကြမ်းဖက်၊ လုယက်၊ မီးရှို့နဲ့ ဖျက်လိုဖျက်ဆီးတွေလုပ်လေ့ရှိ ကြတာ ကျနော်တို့အတွေ့အကြုံအရ သိနှင့်ပြီးဖြစ်ကြမှာပါ။ ဒီနေ့လို ကင်မရာမျိုးစုံနဲ့ ၃၆၀ ဒီဂရီကနေ မှတ်တမ်းယူနိုင်တဲ့ နည်းပညာခေတ်မှာ တကယ်ဒေါသထွက်နေတဲ့ လူအုပ်ကြီးနဲ့ ပွဲလာဖျက်ကြတဲ့ အစွန်းရောက်အကြမ်း ဖက်သမားတွေကို မကြာခင်ခွဲခြားနိုင်ကြတော့မှာပါ ။ ပြစ်မှုကျူးလွန်တဲ့ ရဲ (၄)ယောက်စလုံးပြစ်ဒဏ်ကျခံကြရမှာဖြစ်သလို၊ အဲဒီအစွန်းရောက်အကြမ်းဖက်သမားတွေလည်း ပြေးလို့မလွတ်နိုင်ပါဘူး။ (ဖျက်ဆီးခံလိုက်ရတဲ့ဆုံးရှုံးမှုတွေအတွက်ကတော့ ကျနော်တို့အခွန်နဲ့ပဲ ပေးလျော် ကြရမှာပေါ့ဗျာ)။
ခုလို pandemic ကာလကြီးမှာ ဆန္ဒပြသူတွေက 24/7 (တနေ့ ၂၄ နာရီ၊ တပတ် ၇ ရက်) အလုပ်လုပ်နေကြပေမယ့်၊ အစိုးရက ဘာဖြစ်လို့ 8/5 (တနေ့ ၈ နာရီ၊ တပတ် ၅ ရက်) ပဲ အလုပ်လုပ်ပြီး စနေ၊ တနင်္ဂနွေနှစ်ရက်ကို အနားယူကြရတာလဲဆိုတာကို နားမလည်နိုင်ပါဘူး။ အမြော်အမြင် မရှိတဲ့ ထရမ့် အစိုးရဟာ လူတွေစိတ်ကျေနပ်မှုရစေဖို့နဲ့ ဗိုင်းရပ်စ်ကူးစက်မှုနည်းပါးစေေ ရးအတွက် ချက်ချင်းခုံရုံးဖွဲ့ပြီး ချက်ချင်းစီရင်ချက်ချမပေးခဲ့ပါ ဘူး။ ဒါ့အပြင် လူတွေရဲ့ဒေါသကို ပိုပြီး ပေါက်ကွဲအောင် တွစ်တာကနေ ရန်ပါစနေပါသေးတယ်။ အံ့သြဘ ဂါးဗားမင့်ပါပဲ။
ထရမ့်အတွက် လက်ကျန်ရက် သိပ်များများမရှိတော့ပါဘူး။ နောက် (၅)လာအကြာမှာကျင်းပမယ့် နိုဝင်ဘာရွေးကောက်ပွဲမှာ ထရမ့်ဟာ ခေါင်းနဲ့ဆင်းရဖို့များနေပါတယ်။ ဒီနေ့ ထုတ်လွှင့်နေတဲ့ လိုက်ဗ်ရှိုးတွေအရ ထရမ့်ဟာ လူမည်းတွေရဲ့ မဲကို မရနိုင်တော့ပါဘူး။ ဒါ့အပြင် အရူးသမ္မတတင်မိတာ ငါတို့တော့ ငါးပါးမှောက်တာပဲဆိုပြီး နောင်ကြဉ်သွားမယ့် လူဖြူတွေဆီကမဲကိုလည်းမရနိုင်တော့ပါဘူး။ အိမ်နီးချင်းကောင်းစိတ်မမွေးနို င်တဲ့ ငို့ဘထရမ့်ရဲ့ immigration law ကြောင့် လက်တီနိုလို့ခေါ်တဲ့ တောင်အမေရိကတိုက်က ရွှေ့ပြောင်းအခြေချသူတွေရဲ့မဲကို လည်း မရနိုင်တော့ပါဘူး။ အဲဒီ immigration law ကြောင့်ပဲ အာဖရိကန်-အမေရိကန် မူဆလင်တွေရဲ့ မဲကိုလည်း မရနိုင်တော့ပါဘူး။ အဲဒီ immigration law ကြောင့်ပဲ အေးရှန်းတွေရဲ့မဲကိုလည်း မရနိုင်တော့ပါဘူး။ (အဲဒီတရိစ္ဆာန်ကောင်သာ ပြန်နိုင်လို့ကတော့ မဟုတ်မှလွဲရော မိတ်အင်မြန်မာတံဆိပ်ကပ်ထားတဲ့ “ကြိုတင်မဲ”တွေကြောင့်ပဲ ဖြစ်ရပါလိမ့်မယ်)။
ခင်ဗျားမျက်စိထဲမှာ လည်ပင်းကို ရဲက ဒူးနဲ့ဖိထားလို့ “ကျနော် အသက်ရှူလို့မရတော့ပါဘူး”လို့အော်နေတဲ့ ဗီဒီယိုလေးကို မြင်ယောင်နေလိမ့် ဦးမယ်လို့ ကျနော်ထင်ပါတယ်။
အဲဒီလို အဖိခံထားရတဲ့ လည်ပင်းဟာ ခင်ဗျားရဲ့လည်ပင်းလို့ သဘောထားကြည့်ပါ။ အဲဒီလည်ပင်းကို ဖိထားတဲ့ ဒူးခေါင်းကြီးဟာ ငါနဲ့ ငါ့ရင်သွေးတွေရဲ့ အနာဂတ်သာဖြစ်လာခဲ့ရင်ဆိုပြီး သဘောထားကြည့်ပါ။ခင်ဗျားတော့ မပြောတတ်ဘူး။ ကျနော်ကတော့ အဲဒါဟာ ငါပဲ၊ အဲဒါဟာ ငါတို့ပဲ၊ အဲဒါဟာ ငါတို့ အနာဂတ်ပဲလို့ပဲ ခံစားနေမိပါတယ်။ အိမ်တိုင်းအိမ်တိုင်းမှာ ဆောင်ထားကြတဲ့ (ကောင်းဘွိုင်ခေတ်ကထက် အပုံကြီးများတဲ့) လက်နက်တွေဟာ ပြည်တွင်းစစ်ကြီး တခုထဖြစ်ဖို့ အချိန်များများမလိုပါဘူး။
ဒါပေမယ့် တကယ်ဒေါသဖြစ်နေတဲ့ လူအုပ်ကြီးကို ယာယီခဏလောက် ပေါက်ကွဲခွင့်ပေးထားပြီးတဲ့အခါ အိုဘာမားတို့လို အမြော်အမြင်ရှိတဲ့ ခေါင်းဆောင် မျိုးတွေက ဒီ တရားမျှတမှုရှာဖွေတဲ့ အရေးတော်ပုံကြီးကို အနှေးနဲ့အမြန်ဆိုသလို လမ်းကြောင်းမှန်ပေါ်ကို ဆွဲတင်ပေးသွားကြလိမ့်မယ်ဆိုတာ ကျနော်တော့ ယုံကြည်နေမိပါတယ်။ ဒါကြောင့် ကျနော်တို့အနေနဲ့လည်း တဦးချင်းဖြစ်စေ၊ မိမိတို့ ကွန်မြူနတီအလိုက်ဖြစ်စေ၊ ကျောင် းအလိုက်ဖြစ်စေ၊ လုပ်ငန်းခွင်အလိုက်ဖြစ်စေ ဒီ တရားမျှတမှု ရှာဖွေရေး လှုပ်ရှားမှုကြီးမှာ ပူးပေါင်းပါဝင်ကြသင့်တယ်လို့ ထင်မိပါတယ်။
ဒါပေမယ့် ခုလို ပွဲဖျက်တဲ့အစွန်းရောက်အကြမ်းဖက်သမားတွေ အကြီးအကျယ်သောင်းကျန်းနေတုန်းမှာတော့ ဝင်မပါသင့်သေးဘူးလို့ ထင်ပါတယ်။ တခုက သူတို့နဲ့ကျနော်တို့နဲ့ လူမျိုးအလိုက် အလေ့အထ (အထာ) မတူကြတဲ့အတွက် အစွန်းရောက်တွေက ကိုယ့်ကိုချောက်တွန်းပြီး တရားခံဘဝရောက်အောင် လုပ်နိုင်ချေရှိလို့ပါ။ နောက် တခုကတော့ ကိုဗစ်ကူးစက်ခံရနိုင်ချေပိုများတာကြောင့်ပါ။ ဒါကြောင့်အကြမ်း ဖက်မှုနဲ့ ရောယှ က်နေသေးတဲ့ ခုလိုကာလမှာတော့ လူကိုယ်တိုင်ကွင်းဆင်းပါဝင်ကြတာ မျိုးထက် ကျနော်တို့အသုံးပြုနေတဲ့ လူမှုကွန်ယက်တွေကတဆင့် ကျနော်တို့လည်း ပူးပေါင်းပါဝင်ကြကြောင်းကို ကိုယ့်နည်းကိုယ့်ဟန်နဲ့ကိုယ် ဖော်ပြသင့်ပါတယ်။
လူသားတွေထူထောင်ထားတဲ့ လူ့ယဉ်ကျေးမှု (Civilization)ကြီး တခု ကျနော်တို့ရှေ့မှာ မီးဟုန်းဟုန်းတောက်နေတာဟာ ကျနော်တို့နဲ့လည်း ဆိုင်တယ်လို့ ယူဆမိပါတယ်။
အောင်မော်ဦး
ေမ၊ ၃၁၊ ၂၀၂၀။