ကိုတင်ထွန်းနိုင် - ရှုမြင်ပုံအဟောင်း

KT#

ရှုမြင်ပုံအဟောင်း

ကိုတင်ထွန်းနိုင် 

(မိုးမခ) သြဂုတ် ၅၊ ၂၀၂၀

မြေသယ်ကားတွေတဝီဝီဖြတ်မောင်းသွားတဲ့အခါ

အလှီးအဖြတ်ခံရတဲ့တောင်တန်းကြီးတွေအကြောင်း

အဖို့ခံရမဲ့ချိုင့်ဝှမ်းတွေအကြောင်း

တွေးမိပါရဲ့။

သူများထက်မြင့်ချင်လို့ ဖို့ကြတယ်

သူများအောက်နိမ့်နေလို့ ဖို့ရတယ်

ခန္ဓာဟာစိတ်ကိုမမီခင်

ကမ္ဘာဟာမိမိဝင်ရိုးပေါ်တစ်ပတ်မပြည့်ခင်

ကွေးသောအလိုဆန္ဒွတွေမဆန့်ခင်

ရေတစ်ပွက်စာကြာခဲ့တယ်

မီးခဲတွေဟာ ပြာဖြစ်ဖို့တန်းစီနေကြ

မြေသယ်ကားတွေ တဝီဝီဖြတ်မောင်းနေတဲ့လမ်းမကြီးပေါ်မှာ။ ။

(15/6/2020)