သွေးတွေနဲ့ အနိုင်ယူခဲ့တဲ့နေ့
သွေးတွေနဲ့ အနိုင်ယူခဲ့တဲ့နေ့
( မိုးမခ) မတ် ၁၊ ၂၀၂၁
ဒီနေ့
ငါတို့ပြည်သူတွေ နိုင်တယ်။
ဖက်ဆစ်တွေက
သတ်ဘို့ဖြတ်ဘို့နှိပ်ကွပ်ဘို့
စနိုက်ပါသေနတ်တွေသုံးပြီး
သတ်ခဲ့ဖြတ်ခဲ့နှိပ်ကွပ်ခဲ့ကြပေမဲ့
ငါတို့ရည်ရွယ်ချက်တွေကို
အသက်သွေးတွေ ပေးဆပ်ပြီး
အလံတော်ကို မြင့်မြင့်မားမား
လွှင့်ထူခဲ့ကြတဲ့အတွက် ငါတို့နိုင်တယ်။
ဒီနေ့
မြိတ်မှာ ၇ဦး
ထားဝယ်မှာ ၅ဦး
ရန်ကုန်မှာ ၄ဦး
ပဲခူးမှာ ၃ဦး
ပခုက္ကူမှာ ၁ဦး
မန္တလေးမှာ ၃ဦး
လားရှိုးမှာ ၁ဦး
မော်လမြိုင်မှာ ၂ဦး
အရေးတော်ပုံအတွက်
ကြီးမြတ်တဲ့စွန့်လွှတ်မှုတွေနဲ့
အာဇာနည်စစ်စစ်တြွဖေစ်ခဲ့ကြတယ်။
ဒီနေ့
လူငယ်တွေရဲ့ ရဲရဲနီတဲ့သွေးတွေ
လူကြိးတွေရဲ့ ရဲရဲနီတဲ့သွေးတွေ
ဆရာမတွေရဲ့ ရဲရဲနီတဲ့သွေးတွေ
ကျောင်းသားတွေရဲ့ ရဲရဲနီတဲ့သွေးတွေ
ဝန်ထမ်းတွေရဲ့ ရဲရဲနီတဲ့သွေးတွေ
အလုပ်သမားတွေရဲ့ ရဲရဲနီတဲ့သွေးတွေ
လယ်သမားတွေရဲ့ ရဲရဲနီတဲ့သွေးတွေ
GN X Y Z တို့ရဲ့ သွေးစစ်စစ်တွေဟာ
သွေးမြစ်ကြီးတစင်းဖြစ်ခဲ့တယ်။
ဒီနေ့
အလံကိုင်ဟာ အလံကိုင်ရင်း
ကျဆုံးခဲ့တယ်။
ဒိုင်းကိုင်ဟာ ဒိုင်းကိုင်ရင်း
ကျဆုံးခဲ့တယ်။
ကြွေးကြော်သံတိုင်သူဟာ ကြွေးကြော်ရင်း
ကျဆုံးခဲ့တယ်။
ကျောင်းသားလေးဟာ
စစ်အာဏာရှင်ဆန့်ကျင်းရေး
တေးသီချင်း သီဆိုရင်း
ကျဆုံးခဲ့တယ်။
ဆရာမတယောက်ဟာ အဓ္ဓမကိုရင်ဆိုင်ရင်း
ကျဆုံးခဲ့တယ်။
ဒီနေ့
ငါတို့ကိုသတ်ဘို့
ကြိုတင်ကြံစီပြီး
တိုက်ခေါင်မိုးတွေပေါ်က
စနိုက်ပါသေနတ်တွေနဲ့
နေရာအနှံ့ကနေ
သတ်ဖြတ်ခဲ့ကြတယ်
လူသတ်သမားတွေ
စစ်ရာဇဝတ်ကောင်တွေအဖြစ်
သွေးစစ်စစ်တွေနဲ့ရင်းပြီး
သက်သေပြနိုင်ခဲ့ကြတယ်။
ဒီနေ့
ကမ္ဘာတလွှားမှာ တော်လှန်သီချင်းတွေ
တို့နဲ့အတူ သီဆိုနေကြပြီ။
ကမ္ဘာတလွှားက လူငယ်တွေဟာ
တူညီတဲ့မျိူးဆက်တွေအဖြစ်
လက်ရုန်းတွေဆန့်တန်းကြပြီ။
ကမ္ဘာတလွှားက အစိုးရတွေဟာ
စစ်အာဏာရှင်တွေကို အသိအမှတ်ပြုဘို့
ပြတ်ပြတ်သားသား ငြင်းပါယ်ကြပြီ။
ကမ္ဘာကြီးမှာ စစ်အာဏာရှင်တွေအတွက်
နေရာမရှိဘူးဆိုတာ စစ်ရာဇဝတ်ကောင်တွေ
ပြတ်ပြတ်သားသား သိသွားစေခဲ့ပြီ။
ဒီနေ့
(ဖေဖေါ်ဝါရီလ ၂၈ရက် ၂၀၂၁ခုနှစ်)
ဒီရက်စွဲဟာ ကမ္ဘာ့သမိုင်းမှာ
ကဗျည်းတင်နိုင်ခဲ့တဲ့နေ့
အံတုဖီဆန် အနိုင်မခံတဲ့နေ့အဖြစ်
သွေးမျက်ရည်တွေအတွက်
သွေးကြွေးတွေပြန်ဆပ်ရမယ်
သွေးဂလဲ့စားချေကြရမယ်ဆိုတာ
သံဓိဌာန်ချလိုက်နိုင်ခဲ့ပြီ။
ဒီနေ့ဟာ
ငါတို့နိုင်တဲ့နေ့ဘဲ။
ကိုအောင်မှိုင်း
ဖေဖေါ်ဝါရီလ ၂၈ရက် ၂၀၂၁ခုနှစ်