သင်းရည်လွင် - သတိတရမိုးတိမ်
သတိတရမိုးတိမ်
သင်းရည်လွင်
(မိုးမခ) ဩဂုတ် ၁၂၊ ၂၀၂၄
တောင်အရပ်မှာ ကျီးသာတယ်
ဆုတောင်းစကားက စကားဝါပန်းလေး
အချိန်နဲ့အမျှ သတိရခြင်း ပခုံးလာလာ မှီတယ်၊။
ဟုတ်ပါတယ်
ကျွန်တော် သည်စကားပြောဖို့
ကမ်းခြေမှာ လာထိုင်နေတာ ။
မျက်လုံးချင်းဆုံဖို့
ကောင်းကင်ကြီး ပန်းချီရေးပါ
တွဲထားတဲ့လက်တွေ နှစ်ကာလများစွာ
သီဆိုနေလက်စ သီချင်းတစ်ပုဒ်
ဘယ်တော့မှ မဆုံး ။
ကျောက်ဆောင်လိုတည်စေလို့
မမြင်ရတဲ့ကွေ့ကောက်ခြင်းတွေမှာ
တည့်တည့် ရပ်နေမိပါတယ်။
ဟိုး တောင်ပေါ် တိမ်မည်းတွေ
ရွေ့သွားနေတဲ့အထိ ။ ။
Aug 8
-
t.me@moemaka
#MoeMaKaMedia
#WhatsHappeningInMyanmar
Posts
