မင်းငြိမ်းအေး - နွေဦး
နွေဦး
မင်းငြိမ်းအေး
(မိုးမခ) ဩဂုတ် ၁၄၊ ၂၀၂၄
ငါ့လက်မောင်းပေါ်
ခေါင်းအုံးအိပ်နေတာ
ဘယ်သူလဲ။
ဖရီဒါခါလိုရဲ့
ပန်းချီကားတစ်ချပ်က
မြေအောက်အိပ်မက်ထဲမှာ
ငါလည်းအမြစ်တစ်ဖွားဖွား။
တစ်ယောက်နဲ့တစ်ယောက်
မမြင်ပဲမနေနိုင်ပါလျှက်နဲ့
တစ်ယောက်နဲ့တစ်ယောက်
ခွဲခွာပြီးနေရတာ
နွေဦးလား။
ကျည်ဆံတစ်တောင့်မှာ
နာမည်ရှိတယ်။
ငါကျပျောက်သွားတဲ့
အရုပ်လေးတရုပ်
ရှိပါတယ်။
နွေဦးပြီးရင်
ပြန်ရှာမယ်။
-
t.me@moemaka
#MoeMaKaMedia
#WhatsHappeningInMyanmar
.png)
Posts
