Breaking News

ဆယ်ပေါင်တူ - နံမည်တပ်ပြီး ပြောပိုင်ခွင့်မရှိစေချင်သူ ဗလာဒီမေယိုးကြင်စိုး



ဆယ်ပေါင်တူ - နံမည်တပ်ပြီး ပြောပိုင်ခွင့်မရှိစေချင်သူ ဗလာဒီမေယိုးကြင်စိုး

(မိုးမခ) မတ် ၆၊ ၂၀၂၅
Art - Than Htay Maung


တမုဟုတ်ချင်း ခေါင်းဆောင်ကြီးပူတင်ကနေ ခေါင်းစောင်းကြီးပူတင် ဖြစ်သွားတယ်။ သူ့ရုံးခန်းနားတဝိုက်မှာ ဒီ လိုအသံမျိုး အရင်တုန်းက မကြားဖူးပါဘူးဆိုပြီး စားပွဲနောက်မှာ ထိုင်နေရာကနေ၊ သူ့ခေါင်းကို အတင်းစောင်းပြီး နားထောင်လိုက်ရတဲ့အတွက်ပါ။

သိုင်းကယူး ..သိုင်းကယူး …သိုင်းကယူး

သိုင်းကယူး ..သိုင်းကယူး …သိုင်းကယူး

ခေါင်းစောင်းကြီးပူတင် ဝေခွဲမရ ဖြစ်နေတယ်။ အင်္ဂလိပ်စကားနဲ့ ကျေးဇူးတင်တယ်လို့ ဖြစ်ညှစ်ပြောနေဟန် ရှိပေမယ့်၊ အင်္ဂလိပ်သံ ဘယ်လိုမှမပေါက်ဘူး၊ ဘယ်ခွေးသူတောင်းစား ငါ့ရုံးခန်းနားလာ ဆူညံနေတာလဲ ဆိုပြီး တွေးနေမိတယ်။ ဒီလိုနဲ့ သိုင်းကယူး အသံပိုင်ရှင်ဟာ ပူတင်လှမ်းမြင်နိုင်တဲ့ အကွာအဝေးဆီကို တဖြည်းဖြည်းနီး လာတယ်။

ပထမတော့ သူ့လုံခြုံရေးအဖွဲ့ဝင်တယောက်က သူ့သားလေးကို ရုံးအလည် ခေါ်လာတာလို့ ထင်သွားမိသေးတယ်။ ဘာကြောင့်လဲဆိုတော့ လုံခြုံရေးအဖွဲ့ဝင်နဲ့ သူ့ရဲ့ ခါးလောက်ပဲ မြင့်တဲ့သူတဦးကို တွဲပြီးမြင်လိုက်ရလို့ပါ။ နောက် တော့မှ သူသတိရသွားတယ်။ ဟုတ်သားပဲ၊ ဒီနေ့ငါ့ကို မြန်မာနိုင်ငံက ဘောင်မဝင်တန်းမဝင် အာဏာရှင် ဇွတ်အ တင်း ဖြစ်ချင်နေတဲ့ စစ်ရှုံးကောင်၊ မီးလင်းကောင်၊သူ့တိုင်းပြည်မှာ တနိုင်ငံလုံး ဝိုင်းအဆဲခံနေရတဲ့ကောင် လာပြီး ဂါရဝပြုမယ် ဆိုတာကို။

ကြင်စိုးက ရုရှားကိုရောက်တာနဲ့ သူ့ထုံးစံအတိုင်း ပေါက်လွတ်ပဲစား စကားတွေကို တွေ့တဲ့ရုရှားလူမျိုးတွေနဲ့ သောင်စဉ်ရေမရ ပြောပါတော့တယ်။ သူ့ကိုယ်သူလည်း ‘ခင်ဗျားတို့ခေါင်းဆောင်ကြီးလိုပဲ ကျနော်ကလည်း နိုင် ငံတကာ ဝရမ်းပြေးတယောက်ပါပဲ’ ဆိုပြီး တန်းညှိပြောတယ်။ ‘တချိန်ကြရင် ကမ္ဘာလုံးဆိုင်ရာ ဝရမ်းပြေးညီလာခံ နေပြည်တော်မှာလုပ်မယ်၊ ခင်ဗျားတို့လာတက်ချင်ရင် ဖိတ်မယ်လေ၊ အင်း..ကျနော်လည်း ထွက်မပြေးရ၊ ကြိုးစင် မတက်ရသေးရင်ပေါ့’ လို့လည်း ပြောသေးတယ်။ ပြီးတော့ ပူတင်နံမည်နဲ့ ခပ်ဆင်ဆင် ဖြစ်သွားအောင် သူ့ကိုယ်သူ ‘ဗလာဒီမေယိုးကြင်စိုး ‘ ဆိုပြီး ရုရှားနံမည်လိုလို ဘာလိုလိုနဲ့ ဖေါရှော ရိုက်ပြန်တယ်။

ကြင်စိုးက ပူတင်နဲ့တွေ့ရမှာကို တော်တော်လေး စိတ်လှုပ်ရှားနေတယ်။ ဒါကသူ့အတွက် မဟာအခွင့် အရေးကြီး ပဲလေ။ တစက်ကလေးမှ အမှားခံလို့ မဖြစ်ဘူးလို့လည်း တွေးနေမိတယ်။ ဒီရက်ပိုင်း ထရမ့်ဆီသွားလည်ရင်း ကြုံ လိုက်ရတဲ့ ဇလန်းစကီးရဲ့ အဖြစ်အပျက်ကိုလည်း သင်ခန်းစာယူမှ ဖြစ်မယ်လို့ တွေးထားတယ်။ ကျေးဇူးတင် စကား လုံလုံလောက်လောက် မပြောလို့ဆိုပြီး ထရန့်တို့တတွေက ဝိုင်းရစ်လိုက်ကြတာလေ။

ဒါ့ကြောင့် ပူတင်ဆီလာတဲ့ လမ်းတလျှောက်လုံးမှာ တွေ့ရာလူကို၊ ကြင်စိုးက’သိုင်းကယူး’နေတာ။ အခုလည်း ပူတင့်ကိုမြင်လိုက်ရတာနဲ့စပြီး သိုင်းကယူးဆိုပြီးပဲ နှုတ်ဆက်တယ်။ ပထမဆုံး စစ်တပ်အလေးပြုပုံအတိုင်း လက် တဖက်နဲ့ ဆလံသသလို အလေးပြုတယ်၊ ပြီးတော့ လက်နှစ်ဖက်နဲ့ဆို ပိုလေးစားရာရောက်မယ်ဆိုပြီး၊ လက်နှစ် ဖက်လုံးနဲ့ ထပ်အလေးပြုတယ်။ ပါးစပ်ကလည်း သိုင်းကယူး…သိုင်းကယူး ဆိုပြီး တတွတ်တွတ် ဆက်ရွတ်တယ်။

ပြီးတော့မှ အင်း…ခေါင်းဆောင်ကြီးပူတင်က စစ်သားမှမဟုတ်တာ၊သူက အရပ်သားပဲဆိုပြီး၊ အရပ်သားလို ခေါင်းငုံ့ဦးညွတ် အလေးပြုပြန်တယ်။ သူဆက်တွေးလိုက်တာက ပူတင်က ‘ကရင်မလင်’ နန်းတော်ရဲ့ အကြီးအကဲ လည်း ဖြစ်တာဆိုတော့ တော်ဝင်မိသားစုတွေလို အရိုအသေပေးဦးမှပဲဆိုပြီး သူမြင်ဖူးသလို ဒူးတဖက်ကွေးပြီး ဦးညွတ်တယ်။ ချက်ချင်းပြန်စဉ်းစားမိသွားတာက ဒါကအင်္ဂလန်က တော်ဝင်မိသားစုတွေကို နှုတ်ဆက်တဲ့ပုံပဲ။ ခေါင်းဆောင်ကြီးပူတင်က အင်္ဂလိပ်တွေကို ဘယ်ကြိုက်ပါ့မလဲ၊ ဒီတော့ အင်္ဂလိပ်တွေနဲ့ မတူအောင် ဒူးနှစ်ဖက်လုံး ကွေးပြီး နှုတ်ဆက်ဦးမှဆိုပြီး ဒူးနှစ်ဖက်ကွေး ဦးညွတ်အလေးပြု နှုတ်ဆက်ပြန်တယ်။

နောက်ကြင်စိုးဆက်တွေးတယ်၊ ဒူးနှစ်ဖက်လုံးလည်း ကွေးပြီးပြီ ဆိုတော့သိပ်မထူးတော့ပါဘူး၊ ခေါင်းဆောင်ကြီး ပူတင်က ငါ့ထက်လည်း အသက်ကြီးတာပဲဆိုပြီး အရှေ့တိုင်းဆန်ဆန် ဒူးကိုအပြီးထောက်ချကာ လက်အုပ်ချီ လိုက်ပြန်တယ်။ ကြင်စိုးစိတ်လှုပ်ရှားနေရင်း အတွေးက မပြတ်ဘူး၊ အင်း …တလက်စတည်း ဘာမှ မထူးတော့ပါ ဘူးလေ၊ လက်အုပ်ချီ ဒူးထောက်ရာကနေ ဦးချလိုက်ရင်လည်း ပြီးတာပါပဲလို့ ပထမ စဉ်းစားလိုက်သေးတယ်။ ပြီး မှ မဟုတ်သေးပါဘူး ဒါဆိုရင်တော့ သိပ်များသွားမယ်၊ ပူတင်ကို ဦးချခဲ့ရင် ပေါက်ဖေါ်ကြီးက သူ့ခြေထောက်ကို ကုန်းနမ်းမှ ကျေနပ်တော့မှာဆိုပြီး ဦးတော့မချဖြစ်လိုက်ဘူး။

ပါးစပ်ကနေ သိုင်းကယူး …သိုင်းကယူး .ဆိုတာကိုတော့ ကြင်စိုး မမေ့မလျော့ ဆက်တိုက် ဆက်ရွတ်နေတယ်။ စိတ်လှုပ်ရှားနေတဲ့ ကြင်စိုးခမျာ တယောက်တည်းကို အလုပ်ရှုပ် ပျာယာခတ်နေရရှာတာ။ ဒီမှာတင် မပြီးသေး ဘူး၊ ကြင်စိုးထပ်စဉ်းစားပြန်တယ်၊ ပူတင်ကိုပဲ သူကအကြိမ်ကြိမ် အခါခါ နည်းမျိုးစုံနဲ့ နှုတ်ဆက်နေရင် မျက်နှာ လိုက်ရာကျမယ်၊ အခန်းထဲမှာရှိတဲ့ ကျန်တဲ့ရုရှားတာဝန်ရှိသူတွေက သူတို့ကိုကျ ကျေးဇူးမတင်ဘူးလို့ ထင်သွား ကြပြန်ရင် မကောင်းပြန်ဘူး၊ ငါဒီကိုထွက်ပြေးလာရင် သူတို့မျက်နှာကိုကြည့်ပြီး အဆင်ပြေအောင် နေရမှာ။

အင်း…ကဲလေ..မထူးတော့ပါဘူး ဆိုကာ ကြင်စိုးတယောက် သူ့ပတ်ပတ်လည်မှာ ရှိတဲ့သူတွေကို စစ်တပ်လို၊အ ရပ်သားလို၊တော်ဝင် မိသားစုလို တွေးမိသမျှ နည်းပေါင်းစုံနဲ့ ထပ်အလေးပြု၊ ဦးညွတ်ဒူးထောက် နှုတ်ဆက်ပြန်ပါ တယ်။ သိုင်းကယူး ပြောဖို့လည်းဘယ်မေ့ပါ့မလဲ။ ကြင်စိုးတယောက် ဖြစ်ပျက်နေပုံကို မြင်ယောင်ကြည့်ရုံနဲ့တင် သူ့ကိုယ်စား အကြီးအကျယ် စိတ်မောမိမှာပါ။

ဒီလိုနဲ့ ပူတင်နဲ့ အလာပသလာပ ဆက်ပြောကြတယ်။ ထုံးစံအတိုင်း ပူတင်တခွန်းပြောပြီးတိုင်း ကြင်စိုးက သိုင်း ကယူး တခွန်းပြန်ပြောတယ်၊ သူ့အလှည့် စမပြောခင်မှာလည်း သိုင်းကယူးနဲ့ပဲ စကားစတယ်၊ ပြီးတော့သိုင်း ကယူးနဲ့ပဲ ပြန်အဆုံးသတ်တယ်။ ကြင်စိုးအတွေးမှာတော့ ဇလန်းစကီးလို သိုင်းကယူးကိစ္စနဲ့ သူအဟောက်မခံ ရ တော့ဘူးဆိုပြီး ကျိတ်ကျေနပ်နေမိတယ်။ ဒါပေမယ့် အစည်းအဝေးမှတ်တမ်း လိုက်ရေးနေးတဲ့သူရဲ့ စာရွက်ပေါ် မှာတော့ ‘သိုင်းကယူး…သိုင်းကယူး …သိုင်းကယူး ‘တွေပဲ ထပ်နေတော့တာပေါ့။

သူပြောရမယ့် အလှည့်ရောက်တော့ ကြင်စိုးက မျက်နှာလိုမျက်နှာရလုပ်လိုက်တယ်။ ယူကရိန်းနဲ့ စစ်တိုက် ဖို့လိုအပ်ရင် သူ့စစ်ရှုံးတပ်ဖွဲ့တွေ ပို့ပေးမယ်ပေါ့။ အဲဒီမှာပဲ ပူတင် ခေါင်းတခါခါ လက်တခါခါနဲ့ ပျာပျာသလဲ ငြင်း ပါတော့တယ်။ ဟုတ်တယ်လေ ကိုယ့်ရုရှားတပ်နဲ့ကိုယ်တောင် နိုင်အောင်မတိုက်နိုင်တာ၊ ကြင်စိုးရဲ့ စစ်ရှုံးကောင် တွေ လာတိုက်ပေးရင် လူကြားမကောင်း ပိုဖြစ်တော့မယ်လို့ ချက်ချင်းတွေးမိပြီး ကပျာကယာကို ငြင်းလိုက်တာ။

ပူတင်က ဘာသာပြန်ပေးမယ့် စကားပြန်ကိုတောင် မစောင့်တော့ပဲ နိုး .. သိုင်းကယူး၊ နိုး .. သိုင်းကယူး ၊ ကျေးဇူး ပါပဲ၊ ဒါပေမယ့် မလိုအပ်ပါဘူးလို့ သူကပြောချင်တာ။ အဲဒီမှာပဲ စောက်တလွဲ ကြင်စိုး ဒုက္ခရောက်ဖို့ ဖြစ်သွား တော့ တယ်။ ကြင်စိုး စဉ်းစားလိုက်တာက၊ အင်း.. ငါ သိုင်းကယူး ပြောတာတွေ အရမ်းများနေလို့ ခေါင်းဆောင်ကြီး ပူတင်က နားကြားပြင်းကပ်သွားပြီး နိုး .. သိုင်းကယူး ၊ မင်း သိုင်းကယူး ထပ်မပြောတော့နဲ့လို့ သူ့ကို အမိန့်ပေး လိုက်တာနဲ့တူတယ်လို့ ဆိုပြီး နားလည်မှုလွဲသွားတော့တယ်။ အင်းလေ သူသိသမျှ မှတ်သမျှ မီးကျိုးမောင်းပျက် အင်္ဂလိပ်စကားနဲ့ ဒီလောက်ပဲ နားလည်ရှာတာပေါ့။

ဒီလိုနဲ့ ပူတင်စကားပြောတဲ့ အလှည့်ရောက်လာတယ်။ သူက ကြင်စိုးတို့ စစ်ရှုံးတပ်ကို ရုရှားနိုင်ငံက လေယာဉ်တွေ လက်နက်တွေ ဘယ်လိုဘယ်ပုံ အကြွေးရောင်းပေးထားတာကို ဂုဏ်တင်ပြီးပြောတယ်။ ပြီးတော့ခဏရပ်ပြီး ကြင် စိုးက သူ့ကိုကျေးဇူးတင်တဲ့အကြောင်း သိုင်းကယူး ဝင်ပြောလေမလား ဆိုပြီး စောင့်နေတယ်။ ကြင်စိုးကတော့ သူ နားလည်ထားသလို နိုး..သိုင်းကယူး အမိန့်ပေး ခံလိုက်ရပြီဆိုပြီး ဘာသိုင်းကယူးမှ ဝင်မပြောရဲတော့ဘူး၊ ငြိမ်ပြီးပဲ ဆက်နားထောင်နေတယ်။

ပူတင်ကတော့ ဘယ်သိပါ့မလဲ၊ ဒီကောင်တော်တော် ကျေးဇူးမသိတတ်တဲ့ကောင်ပဲ ဆိုပြီး မကျေမချမ်း ဖြစ်သွား တယ်။ ဒါပေမဲ့ သူပြောစရာရှိတာကို ဆက်ပြောတယ်။ သင်တန်းနည်းပြတွေလွှတ်ပြီး သင်ပေးစရာ ရှိတာတွေကို လည်း သွားသင်ပေးတဲ့အကြောင်း ထပ်ပြောတယ်။ ပြီးတော့ ကြင်စိုးဆီက သိုင်းကယူး သံထွက်လာမလား ဆိုပြီး စောင့်ပြန်တယ်။ ဒါပေမဲ့ ကြင်စိုးက နိုး..သိုင်းကယူးကို တလွဲနား လည်ထားတော့ အသံဆက်ပြီး တိတ်နေတယ်။

ကြင်စိုးကို ဆွဲထိုးချင်စိတ် ပေါ်လာပြီဖြစ်တဲ့ ပူတင်က ဒီတခါ ဒေါ်စိန်အေးကျောင်းထွက်တွေ အသုံးမကျပေမယ့် ရုရှားမှာ ပညာဆက်သင်နိုင်ဖို့ သူတို့စီစဉ်ပေးတာကိုလည်း ထည့်ပြောပြန်တယ်။ ဒီတခါမှာလည်း ကြင်စိုးက တုံဏှိ ဘာဝေ၊ ဘာကျေးဇူးတင်စကားမှ ထွက်မလာဘူး။

ဒါနဲ့ပဲ ပူတင်လည်း စိတ်တိုလာတယ်၊ ဒေါသထွက်ပြီး လေသံမာမာနဲ့ ပြောတော့တယ်၊ မင်းလို စစ်ရှုံးကောင် တနိုင်ငံလုံးက မေယိုးလို့ ဝိုင်းအဆဲခံရတဲ့ ကောင်ကို ဘယ်နိုင်ငံကမှ အလည်မဖိတ်ချင်ဘူး၊ ဖိတ်ရင်လည်း ငါလို ရာ ထူး အဆင့်အတန်းမျိုးက လုံးဝအတွေ့မခံဘူး၊ မင်းသိတယ်မလား ဆိုပြီး သူ့ကိုသိုင်းကယူး ကျေးဇူးတင်စကားများ ဝင်ပြောလေမလားလို့ ကြင်စိုး မျက်နှာကို စိုက်ကြည့်နေတယ်၊ ထုံးစံအတိုင်း ကြင်စိုးပါးစပ်က ဘာသံမှထွက် မ လာဘူး။

စောက်တလွဲကြင်စိုးက မြန်မာနိုင်ငံမှာပဲ မဟုတ်ဘူး၊ ရုရှားမှာလည်း သူ့ရှေးမူမပျက် စောက်တလွဲကို ဆက် ဖြစ်နေတာ။ ကြင်စိုးဆီက ဘာကျေးဇူးစကားသံမှ ထွက်မလာတာနဲ့ ဒီတခါမှာတော့ ပူတင် လုံးဝသည်းမခံနိုင် တော့ဘူး။ ရုရှားလို ထဆဲပါလေရော၊ ကြင်စိုးနားမလည်ပေမယ့် ထရန့်တို့ ဇလန်စကီးကို ဝိုင်း ဖြဲကြတာထက် တောင် ရုပ်ပျက်တာကိုတော့၊ သတိထားမိတယ်။ အင်း ငါတော့အခြေအနေမကောင်းဘူးလို့ တွေးလိုက်မိတယ်။

ဒါနဲ့ပဲ ကြင်စိုးလည်း ရုရှားဘုရင် မြန်မာဘုရင် ဗျာဒိတ်တော်လာ မဟာမိတ်ဆိုလား စာအုပ်ဟောင်းတအုပ်ပြပြီး အာရုံပြောင်းဖို့ ကြိုးစားကြည့်တယ်။ ပူတင်က သူ့အကြံပေးတွေကို သေချာမေးကြည့်တော့ ရုရှားလူမျိုးတွေက ‘သောမကြွက်မင်း’က ဖြစ်တာကို ရေးထားတာလို့ သိသွားတယ်။ ဒါငါတို့ရုရှားတွေကို ကြွက်မျိုးတွေလို့ မေယိုး ကောင်က ပြောတာပဲဆိုပြီး၊ ဒေါသအကြီးအကျယ် ထွက်ပါလေရော။

အဲဒီနောက်ပူတင်က သူ့ကိုကျေးဇူးတင်စကားမပြောတဲ့ စစ်ရှုံးကောင်ကို ငါနဲ့ကိုင်တုပ်တယ်။ တိရစ္ဆာန်နဲ့နှိုင်းတယ်။ ဖျာခေါင်း လို့လည်းခေါ်တယ်။ မေယိုးဆိုတာမျိုးကတော့ ထပ်တလဲလဲပေါ့။ ပြောရရင် မြန်မာပြည်သူတွေ ဆဲနေ ကျ အဆဲ ပေါင်းစုံနဲ့ ပြည်သူတွေ ကိုယ်စားများ ဝင်ဆဲပေးနေသလားတောင် အောက်မေ့ရတယ်။

အဲဒါကို ရုရှားဘက်ကစကားပြန်ကရော၊ ကြင်စိုးခေါ်လာတဲ့ စကားပြန်ကရော မြိုင်မြိုင်ဆိုင်ဆိုင် ဘာသာဝိုင်း ပြန်ပေးလိုက်ကြတာ အဆဲပွဲတော်ကြီး ကျနေတာပဲ။ တချို့ပယ်ပယ်နယ်နယ် အဆဲစကားလုံးတွေကိုဆို တမင်လုပ် နေတာလား အောက်မေ့ရတယ်၊ ၂ခါ ၃ခါ ကျော့ပြီး အားရပါးရ ဘာသာပြန်ပြောကြတယ်။ ကြင်စိုးမျက်နှာက ဇီး ရွက်လေးလောက်ပဲကျန်တော့တာပေါ့။

နောက်တော့ ပူတင်က စိတ်ပြန်ထိန်းတယ်။ မေယိုးကောင်က ငါတို့ အကြွေးတွေ ပြန်မဆပ်ရင်လည်း ပြဿနာပဲလို့ တွေးမိသွားလို့။ ဟုတ်တယ်လေ ဒီစစ်ရှုံးကောင်ကို ဘယ်သူကမှ မယုံကြဘူး၊သူ့နိုင်ငံက ပြည်သူတွေလည်း မယုံ၊ သူ့စစ်ရှုံးတပ်ကလည်းမယုံ၊ သူ့ဘောမဆိုတာတွေကလည်းမယုံ၊ ကုန်ကုန်ပြောရရင် သူ့အိမ်နီးချင်း ပေါက်ဖေါ် ကြီး တို့လည်း မယုံကြဘူး။

ပူတင်က လုပ်စားလာတာကြာပြီပဲ၊ လေသံကိုပြောင်းပြီး ဟိုအကြောင်း ဒီအကြောင်း လျှောက်ပြောတယ်။ အ မှတ်မရှိတာက ကြင်စိုး၊ ပူတင်စိတ်ပြေသွားပြီလို့ထင်ပြီး ထုံးစံအတိုင်း ဖေါရှော ပြန်လုပ်တော့တာပေါ့။

‘ခေါင်းဆောင်ကြီးနဲ့ ကျနော့်ကို ဝရမ်းပြေးဆိုပြီး ပြောကြတယ်၊ ဒါ ဘာဂရုစိုက်စရာရှိလဲ၊ ကျနော်ဆို ဝရမ်းပြေး အခေါ်ခံရခါစက ကျနော့်သားနဲ့သမီးကိုတောင် အားပေးလိုက်သေးတယ်။ကျနော်တို့ မြန်မာနိုင်ငံမှာ ပြောလေ့ရှိ ကြတာက၊ အင်း.. နှိမ်ကြတယ်ပဲ ထားပါတော့၊ ‘ဝရမ်းပြေးနဲ့ ဖျာသည်မ စပ်ကျတဲ့ကောင်’ တွေဆိုပြီးပေါ့၊ နှိမ်ပြော ကြတာ။

ကျနော်က မင်းတို့တတွေ ဘာပဲဖြစ်ဖြစ် အဲဒီလိုအခေါ် ခံရဖို့ မရှိဘူး၊ ငါကပဲ ဝရမ်းပြေးဖြစ်တာဆိုတော့ အဲဒီလို အပြောခံရဖို့ ၅၀ရာခိုင်နှုန်းပဲ ရှိတယ်လို့ အားပေးလိုက်တာ၊ ခေါင်းဆောင်ကြီးလည်း ကျနော်ပြောတာကို အတုယူ ပြီး သားသမီးတွေကို အားပေးပါခင်ဗျ’ ဆိုပြီး ဆရာလုပ်တယ်။

သူ့ကိုဆရာလုပ်တဲ့အပြင် သူမကြားချင်တဲ့ ဝရမ်းပြေးဆိုတာ လာပြောနေတဲ့ကြင်စိုးကို ပူတင် စိတ်ပြန်တိုသွား တယ်။ ခွေးမသားက ငါနဲ့များ လာလာနှိုင်းနေသေးတယ်လို့လဲ တွေးရင်းဒေါသထွက်လာတယ်။ ဒါနဲ့ပဲ

‘၅၀ရာခိုင်နှုန်းပဲ မှန်တယ်ဆိုတာက ဟုတ်ကောဟုတ်ရဲ့လား၊ ၁၀၀ ရာခိုင်နှုန်း မှန်ရင်မှန်နေမှာ ၊အိမ်ရောက်ရင် မိန်းမ ကို ပြန်မေးကြည့်ပါဦး’ ဆိုပြီး ကြင်စိုးကို အသားလွတ်ဖဲ့တယ်။

ကြင်စိုး ဘယ်လောက်အရေထူတယ်ပြောပြော၊ သူ့ရဲ့ ‘ကြူ’ကိုပါ ဟိုအတန်းထဲပို့ပြီး အဲဒီလို အပြောခံလိုက်ရတော့ စိတ်ထဲထောင်းကနဲ ဖြစ်သွားတယ်။ ပူတင်ဆိုတော့လည်း ဘာမှပြန်မပြောရဲရှာဘူး။ ပူတင်က လူလည်ဆိုတော့ ကြင်စိုး အရှိုက်ထိသွားတာ ရိပ်မိတယ်။ သူက တင်ပေးလိုက် ရိုက်ချလိုက်၊ ကျွမ်းကျွမ်းကျင်ကျင် လုပ်တတ် တဲ့သူဆိုတော့

‘အင်းလေ တကယ်တမ်း ပြန်စဉ်းစားကြည့်တော့လည်း ငါးဆယ်ရာခိုင်နှုန်းလောက်ပဲ ဖြစ်မှာပါ’ ဆိုပြီး ပြောလိုက် ပြန်တယ်။

ကြင်စိုးလည်း နည်းနည်းစိတ်သက်သာရာ ရသွားတယ်။ခေါင်းဆောင်ကြီးက အတွေးအခေါ်ကောင်းသားပဲလို့ ဆက်တွေးနေတယ်။ ဒါပေမယ့် ကြင်စိုးကို မျက်မုန်းကျိုး စောက်မြင်ကတ်နေတဲ့ ပူတင်က ကြင်စိုးထင်မထားတဲ့ စကားလုံးတွေနဲ့ ထပ်ရိုက်ချလိုက်တယ်။

‘ဝရမ်းပြေးနဲ့ ဖျာသည်မ ‘ ငါးဆယ်ရာခိုင်နှုန်းဆိုတာ ဝရမ်းပြေးဘက်က တစ်ပြားသားတောင်ပါဖို့ မသေချာပဲ၊ ဖျာသည်မဘက်ကပဲ ပါမှာသေချာတာမို့ ငါးဆယ်ရာခိုင်နှုန်းပဲ ဖြစ်မှာလို့ပြောတာ၊ အိမ်ပြန်ရောက်ရင် ကလေး တွေနဲ့ DNA ပြန်တိုက်စစ်ကြည့်ဦး’ လို့ ဒဲ့ဆော်လိုက်တယ်။

ကြင်စိုး ထူပူသွားတယ်၊ ကြည့်စမ်းငါ့ကို ဘလိုင်းကြီး ဖဲ့နေတာ ဆိုပြီး ဒေါသလည်းထွက်သွားတယ်။ ပြောသာ ပြောရပါတယ်၊ ဒေါသကလည်းထွက်တယ် ဆိုရုံလေးပါ၊ ရုရှားနိုင်ငံမှာ ပူတင့်ကိုသွားပြီး ကြင်စိုးလိုလူက တင်း တင်းမာမာ ပြန်ပြောရဲလေမလဲ။ သူ့အဖြစ်က ရုရှားကို ဝမ်းသာအားရ လာလည်ပါတယ်ဆိုမှ။ သူ့မိန်းမလည်း ဟိုအတန်းထဲရောက်၊သူကလေးတွေလို့ သူနားလည်ထားတဲ့ သားသမီးတွေကလည်း ဘယ့်သူ့ကလေးတွေ မှန်း မသိ ဖြစ်လိုဖြစ်၊ သူကိုယ်တိုင်လည်း ဖျာသည်မလင်လိုလို ဘာလိုလိုနဲ့ ဘာတွေမှန်းကို မသိတော့ပါဘူး။

ကြင်စိုးက ဘယ်လောက်ပဲ စိတ်ထဲကမကျေနပ်ပါစေ၊ ပူတင်ပြောတာကိုတော့ ပြုံးပြုံးနဲ့ပဲ နားထောင်ရှာပါတယ်။ အပူရုပ်ဟန်လုပ်တတ်တဲ့နေရာမှာ အကယ်ဒမီပေးရမယ်ဆို ကြင်စိုးပဲ အမြဲရမှာ၊ ကြည့်လေ စစ်တိုင်းကြီးတွေ ကျ သွားလည်း ကြင်စိုးက အပြုံးမပျက်၊ ပွဲတက်မပျက်။ မြို့တွေ၊ တင့်ကားတွေ အမြောက်တွေ လက်နက်ကြီး လက် နက်ငယ်တွေ အပုံကြီးလှူလိုက်ရရင်လည်း အပြုံးမပျက်ပဲ။ အဲဒီလို နေကိုနေတတ်တာ။

ဒီလိုနဲ့ပဲ ပူတင်နဲ့တွေ့ဆုံပွဲက မည်မည်ရရမရှိပဲ ပြီးသွားတယ်။ အဖတ်တင်တာဆိုလို့ သူပဲ နှစ်ပြားမတန်အောင် အဆဲခံရတာ။ ဒါတင်ဘယ်ကပါ့မလဲ သူ့မိန်းမတောင် ဟိုအတန်းရောက်သွားသေးတယ်။ ဘယ်လိုပဲဖြစ်ဖြစ် အရေ ထူတဲ့ကြင်စိုးက သူ့ဘောမမီဒီယာတွေမှာ ပြန်ထည့်ဖို့ ပြုံးပြုံး ပြုံးပြုံးနဲ့ ဓါတ်ပုံအရိုက်ခံတယ်။ ရုရှားလာတာ ဘာ အကျိုးအမြတ်မှ မရှိဘူးတော့ မဟုတ်ပါဘူး။ သူ့ကိုကြိုပို့ လိုက်လုပ်ကြတဲ့ ရုရှားအရာရှိတွေဆီက သူသိချင်တာကို မေးကြည့်ရာကနေ အိုင်ဒီယာကောင်းတွေ ရလိုက်ပါတယ်။

‘ခေါင်းဆောင်ကြီးကို လူတိုင်းမကြိုက်နိုင်ကြတာတော့ သဘောပေါက်ပါတယ်၊ ဒါပေမယ့် ဒီနိုင်ငံထဲမှာ ကျနော့် လိုနံမည်တပ်ပြီး အဆဲခံရတဲ့ပုံ မပေါ်ဘူး။ ကျနော့်ဆို ကလေးရော ခွေးရောလို့တောင် ပြောလို့ရတယ်။ တပြည်လုံး မေယိုးမအလ မေယိုးမအလ ဆိုပြီး ကျနော့်နံမည်တပ် အဆဲခံရတာ’

‘ဒါက ဒီလိုရှိပါတယ်၊ ကျနော်တို့ရုရှားမှာက ခေါင်းဆောင်ကြီးကို နံမည်တပ်ပြီး မခေါ်ကြရပါဘူး၊ခေါ်ခွင့်မရှိပါ ဘူး။ ကျနော်တို့ဆီမှာတင်မဟုတ်ပါဘူး၊ မြောက်ကိုရီးယားမှာလည်း နံမည်တပ်ပြီး ပြောပိုင်ခွင့်မရှိပါဘူး၊ လေးစား ကြရပါတယ်။ဒါ့ကြောင့် နံမည်တပ်ပြီး ပြောပိုင်ခွင့်မရှိအောင် လုပ်ထားလို့၊ ခေါင်းဆောင်ကြီးတွေက သူတို့နိုင်ငံ တွေမှာ နံမည်တပ်ပြီး အဆဲမခံကြရတာပါ’လို့ ပြန်ရှင်းပြကြတယ်။

ကြင်စိုး အဲဒီ့တားမြစ်ချက်ကို တော်တော် သဘောကျသွားတယ်။ မြန်မာပြည်မှာလည်း အဲဒီလိုလုပ်ရရင် ကောင်း မယ်လို့ တွေးမိတယ်။ သူရုရှားရောက်နေတုန်း မြန်မာပြည်ကအကြောင်းတွေ ဖေ့စ်ဘွတ်ဖွင့်ကြည့်တော့ 3 in1 သုံး ယောက်နဲ့ တယောက် ပတ်ရှုပ်တဲ့ဇာတ်ရှုပ်၊ ပွဲဖြစ်နေတဲ့အကြောင်းကို တွေ့ရတယ်။ အဲဒါနဲ့ ပတ်သက် တဲ့ သီချင်းနဲ့ ခေါင်းဆောင်ကြီးတွေ အဆဲမခံရဖို့ တားမြစ်ထားတာနဲ့ကလည်း ကြံကြံဖန်ဖန်သွားပြီး တိုက်ဆိုင် နေတယ်လို့ သူဆက်တွေးနေတယ်။

ဟိုကုန်းကို ခြေနှစ်ဖက်လုံး လှမ်းမတတ်ဖြစ်နေတဲ့ သူ့လိုအိုကြီးအိုမအရွယ်ကြီးနဲ့ အဲဒီလို ရက်ပ်သီချင်းကို သိပ် နားမလည်ပေမယ့်၊ သီချင်းခေါင်းစဉ်က ကြင်စိုးခေါင်းထဲ အတွေးတခုပေါ်စေတယ်။ အတိတ်တွေ နိမိတ်တွေ နံမည်တွေ ကိန်းဂဏန်းတွေ ဘာပဲဖြစ်ဖြစ် အယူသည်း၊ အထအန ကောက်တတ်တဲ့ ကြင်စိုးလိုလူအတွက်၊ သူ ကျိတ်အားကျတဲ့ အာဏာရှင် ခေါင်းဆောင်ကြီးတွေက နံမည်တပ်အပြောမခံရတဲ့အကြောင်း သိရတဲ့အချိန်နဲ့ ဒီ သီချင်း ဖေ့ဘွတ်စ်မှာ ပျံ့နေတာက ရိုးရိုးတိုက်ဆိုင်မှု မဟုတ်ဘူးလို့ ထင်လိုက်တယ်။ ဒါသူ့ကို အတိတ်နိမိတ် တွေ ပေးပြီး လမ်းညွှန်တာလို့လည်း တွေးနေမိတယ်။ ဘယ်နည်းနဲ့မှ တိုက်ဆိုင်မှု မဖြစ်နိုင်ဘူးလို့ ကြင်စိုးယုံကြည်သွား တယ်။

အင်း…ပြန်ရောက်ရင်တော့ အဲဒီခေါင်းဆောင်ကြီးတွေလုပ်သလို လူတွေနံမည်တပ်ပြီး ပြောချင်တိုင်း ပြော လို့မရအောင် အဲဒီသီချင်းနံမည်အတိုင်း ‘နံမည်တပ်ပြီးပြောပိုင်ခွင့်မရှိ’ လို့ အမိန့်ထုတ်ရရင် ကောင်းမယ်လို့ စိတ် ကူးပြီး ကြင်စိုးတယောက် သူ့ခေါင်းထဲပေါ်လာသလို ရက်ပ်သီချင်းအလိုက်ကို ဟိုတစ ဒီတစ လိုက်ညည်းတယ်။ နည်းနည်းမုဒ်ဝင်သွားသလို ဖြစ်လာတာနဲ့၊ လျှာထိုးဦးထုပ် နောက်ပြန်ဆောင်းပြီး စည်းချက်အတိုင်း ခြေလှုပ် ခေါင်းလှုပ်လက်လှုပ်ပြီး လိုက်ကနေတယ်။

ကေဂျီဘီ ထောက်လှမ်းရေးဟောင်းပူတင်က ကြင်စိုးတည်းခိုတဲ့ ဟိုတယ်ခန်းထဲက ကြင်စိုးဖြစ်ပျက်နေတာတွေ ကို လျှို့ဝှက်တပ်ဆင်ထားတဲ့ ဗီဒီယိုကင်မရာကနေကြည့်ပြီး ခေါင်းတခါခါ ဖြစ်သွားတယ်။ ပြီးတော့ သူ့လူတွေကို လှမ်း ပြောလိုက်တယ်၊ ‘ဒီစောက်ပေါမေယိုးကောင်ဆီက အကြွေးတွေရနိုင်သလောက် မြန်မြန်တောင်းထားကြ၊ ဒီ လို ရူးကြောင်ကြောင်ပုံနဲ့ဆိုရင် ဒီကောင်ပြုတ်တော့မှာ အနှေးနဲ့အမြန်ပဲ ’ တဲ့။



ဆယ်ပေါင်တူ

Join Us @ MoeMaKa Telegram
t.me@moemaka
Please show your support, donate with Zelle
#MoeMaKaMedia
#WhatsHappeningInMyanmar