နိုင်မွန်အောင်သွင် - အနတ္တအပြာ

Art- NA 

အနတ္တအပြာ
နိုင်မွန်အောင်သွင် 
(မိုးမခ) ဇူလိုင် ၃၀၊ ၂၀၂၆

သခင်ကိုယ်တော်မှိုင်း မရှိတော့ဘူး။
ဒဂုန်တာရာလည်း မရှိတော့ဘူး။

ရဲဘော်ချေ မရှိတော့ဘူး။
ဂေါ်ဂင်ရဲ့အနီလည်း မရှိတော့ဘူး။

နန်းတော်မြို့ရိုးမှာစည်တော်သံ မရှိတော့ဘူး။
သူရဲကောင်းကြေးရုပ်တွေလည်း မရှိတော့ဘူး။

စစ်သုံးမြေပုံပေါ်မှာ ငြိမ်းချမ်းရေးဆိုတာ မရှိတော့ဘူး။
၃၃ လမ်းမှာ လေထန်ကုန်းလည်း မရှိတော့ဘူး။

အဝေးကျောင်းကခေါင်းလောင်းသံ မရှိတော့ဘူး။
လွတ်မြောက်ရာလမ်းတွေလည်း မရှိတော့ဘူး။

ဂျွန်လင်နွန် မရှိတော့ဘူး။
ထူးအိမ်သင်လည်း မရှိတော့ဘူး။

ဘီသိုဗင် မရှိတော့ဘူး။
မြို့မငြိမ်းလည်း မရှိတော့ဘူး။

ကြောင့်ကျမဲ့ ပွဲတော်ဗုံသံတွေ မရှိတော့ဘူး။
သွေးရိုးသားရိုး အရိုးချင်းချိန်းရိုက်သံတွေလည်း မရှိတော့ဘူး။
 -

 

Join Us @ MoeMaKa Telegram

t.me@moemaka

Please show your support, donate with Zelle

Zelle to moemaka.org@gmail.com "MoeMaKa Multimedia"

Like and Subscribe MoeMaKa YouTube Channel

youtube.com/@moemaka

Like us on MoemaKa Facebook

Follow us on X

X.com/MoeMaKa

#MoeMaKaMedia

#WhatsHappeningInMyanmar