မောင်ကြူးရင့် - ကြယ်ရောင်ထဲကပုံရိပ်

ကြယ်ရောင်ထဲကပုံရိပ်

မောင်ကြူးရင့်

(မိုးမခ) မတ် ၂၆၊ ၂၀၂၀

ကိုဗစ်ကပ်ရောဂါအတွက်

ဘော်လန်တီယာလိုပ်ဖို့

အဆိုပြုသူ ပေါ်လာတယ်

ကိုဗစ်ကပ်ရောဂါအတွက်

တာဝန်ထမ်းဆောင်ဖို့

ကိုယ်တိုင်အဆိုပြုသူ

ဆရာဝန်တွေပေါ်လာတယ်

ကိုယ်ဗစ်ကပ်ရောဂါအတွက်

လိုရာအသုံးပြုဖို့

လှုဒါန်းသူတွေပေါ်လာတယ်

ယုံကြည်ရာလုပ်ဖို့

အသက်စွန့်သူတွေရှိတယ်

သူရဲကောင်းဆိုတာ

အရေးအခင်းတခုကြုံလာရင်

အသက်ကိုမငဲ့ကွက်ပဲ

လူများစုကိုရွတ်ရွတ်ချွန်ချွန်

ကယ်တင်လုပ်ဆောင်သူကို

သူရဲကောင်းလို့ခေါ်တယ်

၂၅. ၃. ၂၀၂၀