မြင့်အောင်သန့် - လူလိုတယ်
မြင့်အောင်သန့်
(မိုးမခ) အောက်တိုဘာ ၂၅၊ ၂၀၂၂
ငါတို့ဘက်ကနိုင်ဖို့
လူလိုသေးတယ်။
လူဖြစ်ပြီး
လူ့တန်ဘိုးမသိတဲ့လူတွေ။
လူဖြစ်ပြီး
လူ့အဓိပ္ပာယ်ရှာမတွေ့တဲ့လူတွေ။
လူဖြစ်ပြီး
လူလိုမသိတဲ့လူတွေ။
လူဖြစ်ပြီး
လူနဲ့တိရစ္ဆာန်မကွဲပြားသေးတဲ့လူတွေ။
လူဖြစ်ပြီး
ကမ္ဘာမြေရဲ့အကျိန်ဆဲခံနေရတဲ့
ဆန်ကုန်မြေလေးတွေ။
သင်္ချိုင်းကုန်းအနားက
လူတွေပါမကျန်
ငါတို့ဘက်ပါလာရင်
ငါတို့သေချာပေါက်နိုင်ပြီ။
ငါတို့လူလိုနေတယ်
ဟုတ် ။
၁၇၊၁၀၊၂၀၂၂
-
t.me@moemaka
#MoeMaKaMedia
#WhatsHappeningInMyanmar
Posts
