ကျော်လွင်အောင် - ဆေးရုံ ည (၁၁)

မိုးမခ ၊ ဖေဖော်ဝါရီ ၁၃ ၊ ၂၀၂၆

အိပ်မက်ဆိုးနဲ့ ညတွေ ကုန်ဆုံးရင် "ရောင်နီသာတဲ့ နေ့သစ်ကို ရောက်မယ်"။

မျှော်လင့်ချက်က ရှင်သန်မှုပဲ တစ်ခု‌ကို ဖြေရှင်းပြီးရုံနဲ့ ရပ်သွားတာ မဟုတ်ဘူးလေ။

နောက်ထပ် ရင်ဆိုင်ရမယ့်ပြဿနာတွေ အများကြီးမို့၊ အားတင်းရဦးမယ်၊ သေသွားတာမှ မဟုတ်ဘဲ။

မိုးလင်းခါနီး မက်ထရိုလာချိတ်ပြီးတာနဲ့ ပုဆိုးတိုတိုဝတ်လို့ လမ်းလျှောက်ထွက်လာခဲ့တယ်၊ အဆောင်ပတ်ချာလည် ဗီဒီယို လှည့်ရိုက်ခဲ့တာ၊ ခုတင် ၁၀၀၀ #ဆေးရုံညတွေ ပြီးဆုံးခြင်းရဲ့ သင်္ကေတ မိုးသောက်အရုဏ်ဦးကို ဗီတို ရိုက်ခဲ့မိတာ၊ အမှတ်တရပါ။ (ခုနေပြန်ကြည့်မိတိုင်း ကုန်းကွ၊ ပူစပ်နာကျင်မှု‌တွေကို သတိရနေတုန်း။)

မနက် ကိုးနာရီခွဲ ဆရာဝန်ကြီးရှေ့ ထိုင်မိတာနဲ့ "ဆယ့်တစ်ရက်နေ့ ပြန်လာပြနော်၊ လက်က အပ် သွားချွတ်၊ ပြီးရင် ပြန်လို့ရပြီ"

"ဟုတ်ကဲ့ ကျေးဇူးတင်ပါတယ် ဆရာကြီး" နှုတ်ဆက်ခဲ့ပါတယ်၊

ဆေးရုံည ၆ ညတာ အိပ်ခဲ့နားခဲ့တဲ့ အခန်းထောင့်က ခုတင်လေးရေ၊ စရောက်ကတည်းက လက်မှာထိုးထားတဲ့ အပ်ကို ချွတ်၊ သောက်ဆေးနဲ့ စာအုပ်ပေးရင်း"တတ်နိုင်သလောက် အလှူငွေထည့်လို့ရပါတယ်"ဆိုတာနဲ့ အပြန် သုံးဘီးခချန်ပြီး ပိုတာတွေအကုန် ထည့်ခဲ့တယ်၊ #နေ့စားစာရေးအိုကြီး တတ်နိုင်သလောက်ပေါ့ဗျာ။

မထင်မှတ်ဘဲ လူနာလာစောင့်ပေးတဲ့ ကိုသက်တို့ အိမ်က ကားနဲ့ စေတနာနဲ့ လာကြိုပေးလို့ သက်သက်သာသာနဲ့ အိမ်ပြန်ရောက်တယ်၊

ရောက်ရောက်ချင်း အမေ့ ဒူးခေါင်းကို ပြေးဖက်ပြီး-

"ကျွန်တော် ပြန်လာပြီအမေ၊ ဘာမှမဖြစ်တော့‌ဘူးနော်"

👉ကျော်လွင်အောင် - ဆေးရုံ ည (၁)

👉ကျော်လွင်အောင် - ဆေးရုံ ည (၂)

👉ကျော်လွင်အောင် - ဆေးရုံ ည (၃)

👉ကျော်လွင်အောင် - ဆေးရုံ ည (၄)

👉ကျော်လွင်အောင် - ဆေးရုံ ည (၅)

👉ကျော်လွင်အောင် - ဆေးရုံ ည (၆)

👉ကျော်လွင်အောင် - ဆေးရုံ ည (၇)

👉ကျော်လွင်အောင် - ဆေးရုံ ည (၈)

👉ကျော်လွင်အောင် - ဆေးရုံ ည (၉)