မောင်လူပေ - ဧပြီဖူးလ်မဟုတ်ဘူး၊ ကိုရိုနာ (၀၁/၀၄/၂၀)

မောင်လူပေ - ဧပြီဖူးလ်မဟုတ်ဘူး၊ ကိုရိုနာ  (၀၁/၀၄/၂၀)

(မိုးမခ) ဧပြီ ၂၊ ၂၀၂၀

April fool မဟုတ်ဘူး။

​ကူးစက်ခံရသူ ကိုးသိန်းကျော်ပြီ။ နောက်တစ်ရက်နှစ်ရက်အတွင်း တစ်သန်းပြည့်ပါတော့မယ်။ သေဆုံးသူလည်း (၄၆၀၀၀)ကျော်ခဲ့ပြီ။

အမေရိကန်ပြည်ထောင်စုမှာ ကူးစက်ခံရသူ နှစ်သိန်းကျော်သွားပါတယ်။ ကမ္ဘာ့ကူးစက်ခံရသူတွေရဲ့ ၂၂%ဟာ အမေရိကန်တွေပါ။ နောက်ထပ်သုံးပတ်လောက်ကြာရင် သန်းနဲ့ချီပြီး ကူးစက်မယ်လို့ ခန့်မှန်းထားတယ်။ သေဆုံးရသူ (၄၅၀၀)ကျော်ရှိသွားပြီ။

အီတလီနဲ့စပိန်တို့မှာလည်း ကူးစက်ခံရသူ တစ်သိန်းကျော်စီရှိကြပါတယ်။ ဒီနိုင်ငံနှစ်ခုပေါင်းရဲ့ ကူးစက်ခံရသူလည်း တကမ္ဘာလုံးရဲ့ ငါးပုံတစ်ပုံကျော်ဖြစ်တဲ့ ၂၂%ပါပဲ။ နိုင်ငံနှစ်ခုပေါင်းသေဆုံးသူ (၂၂၀၀၀)ကျော်သွားပါပြီ။

ပြင်သစ်မှာလည်း ကူးစက်ခံ ငါးသောင်းခြောက်ထောင်ကျော်နဲ့ သေဆုံး(၄၀၀၀)ကျော်ရှိတယ်။

ဘိလပ်မှာလည်း ကူးစက်ခံသုံးသောင်းနီးပါးနဲ့ သေဆုံး(၂၃၀၀)ကျော်ပြီ။

အာရှ အသေအပျောက်အများဆုံးက အီရန်မှာ။ သေဆုံး (၃၀၀၀)ကျော်နဲ့ ကူးစက်ခံ လေးသောင်းခုနှစ်ထောင် ရှိတယ်။

အမေရိကားနဲ့ အိုက်စလန်တို့မှာ တွေ့ရှိချကိအသစ်များအရ ရောဂါပိုးကူးစက်ခံရသူ ၂၅% ကနေ ၅၀% ခန့်ဟာ ရောဂါဝေဒနာမပြတဲ့အတွက် ရောဂါရှိမှန်းမသိဘူး။ သူတို့ဟာ ရောဂါပိုးသယ်ဆောင်သူတွေဖြစ်လာပြီး အခြားသူများကို ကူးစက်စေခဲ့ကြတယ်။

ဒီဗိုင်းရပ်ရောဂါဟာ ကမ္ဘာကြီးအတွက် ဒုတိယကမ္ဘာစစ်နောက်ပိုင်းမှာ အကြီးမားဆုံးစမ်းသပ်ခံရမှုဖြစ်တယ်လို့ ကုလသမဂ္ဂအတွင်းရေးမှူးချုပ်က ပြောတယ်။
​
ရောဂါကာကွယ်ရေးအတွက် ချမှတ်ထားတဲ့ စည်းမျဉ်းအချို့ကို ပြုပြင်ပြောင်းလဲမှုရှိမယ်လို့ WHO အကြီးအကဲကသတိပေးတယ်။ ရောဂါပိုးအသစ်မို့ တွေ့ရှိချက် အသစ်ရှိလာရင် ထပ်ပြီးကြေညာမဲ့သဘောမျိုးပါ။

ကျွန်းနိုင်ငံငယ်လေးစင်္ကာပူမှာလည်း ကူးစက်သူ(၇၄)ဦးထပ်မံတွေ့ရတဲ့အတွက် လူတစ်ထောင်အထိ ကူးစက်ခံခဲ့ရပြီ။

မြန်မာပြည်မှာလည်း ရပ်ရွာအတွင်းကူးစက်လူနာတစ်ဦးထပ်တွေ့ရလို့ ကူးစက်ခံ(၁၆)ဦးရှိလာပြီ။ အဲဒီလူနာဟာ သားဖြစ်သူပြန်လာတာကို လာကြိုရင်း ကူးစက်ခံရတယ်လို့ဆိုတယ်။

ဂရုစိုက်ကြပါ။