ကိုသန်းလွင် ● အိန္ဒိယနှင့် ဝန်ကြီးချုပ် မိုဒီ

ကိုသန်းလွင် ● အိန္ဒိယနှင့် ဝန်ကြီးချုပ် မိုဒီ

(မိုးမခ) ဇွန် ၁၁၊ ၂၀၁၉

(၁)
ဖေဖော်ဝါရီလ ၂၆ ရက် အရုဏ်မတက်မီ အချိန်တွင် အိန္ဒိယဝန်ကြီးချုပ် နီယန်ဒါ မိုဒီက မိမိ၏ နယူးကလီးယား လက်နက် ပိုင်ရှင် အိမ်နီးချင်းနိုင်ငံဖြစ်သော ပါကစ္စတန်ကို တိုက်ခိုက်ရန် အမိန့်ပေးခဲ့ပါသည်။ နယ်စပ်တွင် ထူထပ်သော မိုးတိမ်များဖြင့ မှောင်မည်းနေခဲ့ပါသည်။ သူကသူ့ကို ထိုသို့မလုပ်ရန်အကြံပေးမိတ်ဆွေများ၏  သတိပေးချက်များကို ပယ်ချခဲ့ပါသည်။ သူ သည် သိပ္ပံကို သေချာသိသူမဟုတ်၊ သူ၏ဦးနှောက်အတွင်းက အကြံဉာဏ် (Raw Wisdon) ကိုသာ နားထောင်သူဖြစ်သည်။ ထိုမိုးတိမ်များက အိန္ဒိယဖိုက်တာဂျက်များကို မမြင်အောင်ကာကွယ်ပေးလိမ့်မည်ဟု၍ ယုံကြည်ခဲ့ပါသည်။

(၂)
သူ၏အတွင်းစိတ်အကြံဉာဏ်ကြောင့် အိန္ဒိယပြည်သည် အကြိမ်ကြိမ် ဒုက္ခခံကြရပါသည်။ ၂၀၁၆ ခုနိုဝင်ဘာလက အ ကြောင်းပြချက် တစ်စုံတရာမပါဘဲ ၉၀ ရာခိုင်နှုန်းမျှသာ အိန္ဒိယလည်ပါတ်ငွေများကို တရားမဝင်ကြောင်း ကြေညာခဲ့ပါသည်။ ထိုလုပ်ရပ်များက တောင်အာရှကို နျုကလီးယားစစ်ပွဲနှင့် ခြိမ်းခြောက်သည့်အပြင် အိန္ဒိယစီးပွားရေးကိုလည်း ကမောက်ကမ ဖြစ်စေပါသည်။ နွေဦးပေါက်ရာသီတွင် သူ၏လုပ်ရပ်များက ကမ္ဘာ့အကြီးဆုံး ဒီမိုကရေစီနိုင်ငံ၏ ခေါင်းဆောင်ကြီးသည် သူ့ အလုပ်နှင့် သင့်တော်အောင်တတ်ကျွမ်းသူမဟုတ်ကြောင်း ပြသခဲ့သည့်အပြင် သူသည် အမျိုးသားရေးဝါဒစွဲရှိသူ၊ စီးပွားရေး ကိုနားမလည်သူ၊ စိတ်ပြင်းထန်သူ၊ အတိုက်အခံ တို့ကို ကြောက်ရွံ့သူ၊ ဖြစ်ကြောင်းပြသခဲ့ပါသည်။

မစ္စတာမိုဒီ အုပ်ချုပ်သော အိန္ဒိယနိုင်ငံသည် အကြိမ်ကြိမ် အကြမ်းဖက်မှုများနှင့် ပါတ်သတ်နေခဲ့ပါသည်။ တီဗွီကြေညာသူ များသည် အကြမ်းဖက်အောင်လှုံ့ဆော်သဖြင့် အဖမ်းခံရသည်။ ဆိုရှယ်မီဒီယာများတွင် မိန်းမများကို မုဒိန်းကျင့်မည်၊ မွတ်စ လင်များနှင့် ဇာတ်နိမ့်သူများကို သတ်ဖြတ်မည်ဟု ခြိမ်းခြောက်မှုများမကြာခဏ ဖြစ်ပွားလေ့ရှိပါသည်။ ဟိန္ဒူအကြမ်းဖက် သမားများသည် စစ်တပ်နှင့် တရားစီရင်ရေးအဖွဲ့အစည်းများကို ရှေ့ထားပြီး ပညာရှင်များနှင့် ဂျာနယ်လစ်များကို အသတ်ခံ ရမည်၊ အဖမ်းခံရမည်ဟု ခြိမ်းခြောက်လေ့ရှိပါသည်။ သူတို့က ဟိုလွန်ခဲ့သော နှစ်ပေါင်းများစွာက ဟိန္ဒူများသည် Genetic Engineering.ကိုတွေ့ရှိခဲ့သည်။ လေယာဉ်ပျံများ တည်ဆောက်နိုင်ခဲ့သည်။ အိန္ဒိယစစ်တပ်ကလည်း မကြာမီက နှင်းလူ (Yeti) ၏ ခြေရာများကို တွေ့ရှိသည်ဟု ရဲရဲဝံ့ဝံ့ကြေညာခဲ့ပါသည်။

သို့သော် ယခင်လကစခဲ့သော ရွေးကောက်ပွဲတွင် မိုဒီကိုမဲပေးသူတို့က ရွေးချယ်ခဲ့ကြပြန်ရာ အိမ်မက်ဆိုးသည် တာရှည်ဦး မည် ဖြစ်ပါသည်။ သူ၏ ၂၀၁၄ ရွေးကောက်ပွဲက အဓိက ကတိပေးခဲ့သော အလုပ်အကိုင်နှင့် အမျိုးသားလုံခြုံရေးတို့ကို ဘာမှ ထင်ထင်ရှားရှားလုပ်မပြနိုင်ခဲ့သော်လည်း မစ္စတာမိုဒီ၏ မဖောက်ထွင်းနိုင်သော သြဇာပါဝါ (Chrisma) ကြောင့် ပင်ဖြစ် မည်ထင်သည်။ သူ့လက်ထက်တွင်အလုပ်လက်မဲ့ပြဿနာမှာ သိသိသာသာကြီး ကြီးထွားလာခဲ့ပြီး အိန္ဒိယအုပ်ချုပ်သော ကက်ရှမီးယားတွင် စစ်သွေးကြွ အုပ်စုများ များပြားလာပါ သည်။ သူ၏ ပါကစ္စတန်နှင့် စစ်ပွဲက သစ်ပင်အနည်းငယ်သာပျက်စီးပြီး မိမိဘာသာ မှားယွင်းပစ်ခက်သဖြင့် အိန္ဒိယလူမျိုး ၇ ဦးသာ သေဆုံးခဲ့ရပါသည်။

မိုဒီ က ရွေးကောက်ပွဲအတွင်း ကတိပေးရာတွင် အိမ်သာများ၊ ဘဏ်အကောင့်များ၊ ဈေးချိုသော ချေးငွေများ၊ အိပ်ခန်းများ ရမည်ဆိုသည်ကလည်း အောင်မြင်ဟန်တူသည်။ အိန္ဒိယမှ ချမ်းသာသော ကုမ္ပဏီကြီးများက ထောက်ပံ့ငွေများကြောင့် အ တိုက်အခံများထက်ပို၍ ငွေကို သုံးစွဲပြနိုင်ခဲ့သည်။ မီဒီယာပိုင်ရှင်များကလည်း အိန္ဒိယကို ကယ်တင်ရှင်အဖြစ် မိုဒီကိုဖော်ပြ ကြသည်။ အတိုက်အခံတို့က ရွေးကောက်ပွဲကော်မရှင်ကို အရှက် ကင်းမဲ့လောက်အောင် မိုဒီ၏ပါတီဘက်ကို ဘက်လိုက် သည်ဟု ဝေဖန်ကြပါသည်။

အိန္ဒိယသည် လူရယ်စရာကောင်းလောက်အောင်အဆင့်အတန်းမတူညီကြသော လူတန်းစားတို့ စုပေါင်းနေထိုင်  ရာနိုင်ငံဖြစ် ပါသည်။ ဘော်လီဝုဒ် ရုပ်ရှင်များကလည်းလွှမ်းမိုးသည်။ မိသားစုအင်ပိုင်ယာများ (Family Dynasty) ကလည်း ကြီးမားသည်။ လူတိုင်းသည် တူညီသော ပညာရေးနှင့် အလုပ် အခွင့်အလမ်း တူညီသည် ဆိုသည်မှာ စာရွက်ပေါ်တွင်သာ ရှိပါသည်။ လက်တွေ့လူ့ဘဝတွင်ထိုသဘာဝများ၏ ဆန့်ကျင်ဘက်များသာ ဖြစ်ပေါ်ကြောင်း တွေ့နေရပါသည်။ လူအများစုမှာဒီမိုကရေစီ၏သာတူညီမျှဝါဒမှကင်းဝေးလျက် မမျှတသောဝါဒကိုသာတွေ့နေရပြီး အများစုမှာ ချိနဲ့သော၊ ခံစားရမှုဝေဒနာများ၊ မတူညီသဖြင့် နစ်နာရမှု၊  မနာလိုမှုများကိုသာတွေ့ရပါသည်။ လူနေမှု စနစ်အဆင့်အတန်းအရမြင့်မားသူတို့၏ ဖိနိမ့်ခြင်း အ နိုင်ယူဗိုလ်ကျ ခြင်း များကိုသာ တွေ့ကြုံကြရပါသည်။

ဒေလီမြို့တွင်ဖြစ်ရသော လူထုနှင့် ကင်းကွာနေသူ၊ အာဏာကြောင့်မော်ကြွားသူ တို့ကြောင့် ချမ်းသာသော အနောက်နိုင်ငံကဲ့သို့ဖြစ်ရေးမှာအလှမ်းကွာဝေးနေကြပါသည်။ ၁၉၉၀ ခုနှစ်များတွင် ဆင်းရဲသော လူများစုမှာ မြို့သို့ပြောင်း ရွှေ့နေထိုင်ကြ သည်။ ထိုသူများအနေဖြင့် ကမ္ဘာ့အရင်းရှင်များ ကဲ့သို့ဖြစ်ရန်မှာမလွယ်ကူလှပါ။  ဂြိုလ်တုမှ တီဗွီကိုကြည့်နိုင်ခြင်း နှင့်အင်တာ နက် အလျံပယ်ရချိန်တွင် ယခင်ကမသိရှိခဲ့သော ပုဂ္ဂိုလ်ရေးချမ်းသာမှုများ ငွေကြေးသုံးစွဲမှု၊ ခြစားခြင်း၊ ဆွေမျိုးအုပ်စုကို အရေးပေးခြင်းတို့မှာ အိန္ဒိယလူထုအဖို့ နားမလည် နိုင်ဖြစ်ကြရပါသည်။

မည်သည်နိုင်ငံရေးသမားကမှ အိန္ဒိယလူမျိုးတို့၏ အကြပ်အတည်းနှင့် လူမှုရေးပြဿနာများကို ကူညီဖြေရှင်း ပေးရန် မကြိုးစားခဲ့ပါ။ နှစ်ကာလ အတန်ကြာမေ့လျော့ နေခဲ့ကြပါသည်။၂၀၁၀ ခုနှစ် မိုဒီ ပေါ်လာကာမှလူတို့ကို တော်လျှင်တော်သလို နေရာပေးရေး၊ မိသားစု အမွေအနှစ်ကို ဆက်ခံနေခြင်းကိစ္စ (Heredity privilege) ကို တိုက်ဖျက်ရေးတို့ကို ကြားကြရပါသည်။
လူအများက ၂၀၀၂ခု ဂူဂျာရတ်ပြည်တွင် ဖြစ်ပွားခဲ့သော မွတ်စလင်ရာပေါင်းများစွာ အသတ်ခံရမှုနှင့် မိုဒီပါဝင် ပါတ် သက်ပုံကို သံသယရှိခဲ့ကြပါသည်။ အချို့က မိုဒီကိုယ်တိုင် ပါဝင်ညွှန်ကြားခဲ့သည်ဟုပြောသည်။ သို့သော် အိန္ဒိယတွင် အချမ်း သာဆုံးလူများ၏ အားပေးထောက်ခံမှုနှင့် ၂၀၁၄ ရွေးကောက်ပွဲတွင် ပါဝင်လာနိုင်ခဲ့ပါသည်။ သူတို့၏ ဆင်းရဲမွဲတေသော အတိတ်ကာလနှင့် အောင်မြင်သော အနာဂတ်တို့ကို ကြားရသူ သွားရေကျလောက် အောင်ဟောပြောနိုင်သူဖြစ်ပါသည်။ သူ၏ ၅၆ လက်မရှိသောရင်အုပ်နှင့်အိန္ဒိယကိုနိုင်ငံတကာက လေးစားသော စူပါ ပါဝါကြီးဖြစ်ရမည်ဟု ရဲရဲကြီးအာမခံခဲ့ပါသည်။ ဘက်လိုက်သော သတင်းစာများ၊ တယ်လီဗီးရှင်း =များ အကူ အညီနှင့် သူ၏ စိတ်ကူးယဉ်ကမ္ဘာကြီးလောကကိုတည်ဆောက်ခဲ့ပါသည်။ အိန္ဒိယ၏ အွန်လိုင်းလူထုမှာ ငါးနှစ်အ တွင်းနှစ်ဆတိုးလာခဲ့ပါသည်။ ဈေးချိုသော စမတ်ဖုန်းများကိုကိုင်ဆောင်ထားသော အိန္ဒိယလူထုသည်ဖေ့စ်ဘွတ် မှသတင်းအမှားများ တွတ်တာ၊ ယူကျူ့တို့ဖြင့် တစ်ခဲနက်ထောက်ခံခဲ့ကြပါသည်။ ပါကစ္စတန်တိုက်ခိုက်မှုတွင် အကောင့်အတု (Fake account) မှ နေ၍ ပါကစ္စတန်အများအပြားသေဆုံးခဲ့ကြသည်ဟုလွှင့်ခဲ့ရာမှ ထောက်ခံမှု ပိုမိုရရှိခဲ့ပါသည်။

ဆင်းရဲတွင်းမှ လွတ်ခါစအိန္ဒိယလူထုအတွက် မှန်သားပြင်များမှ သတင်းများသည် အဘယ်မျှအရေးကြီးကြောင်း ပိုမို သ ဘောပေါက်ခဲ့ရပါသည်။ လွန်ခဲ့သောတစ်ပါတ်က မိုဒီသည်ဘုန်းကြီးအဝတ်အစားများနှင့်ဟိန္ဒိူတို့၏ အမွန်မြတ်ထားရာ ဂူ တစ်ခုတွင် တရားထိုင်နေပုံပါလာခဲ့ပါသည်။ အင်္ဂလိပ်စကားပြောသူ အိန္ဒိယလူမျိုးအုပ်စုက ရယ်စရာအဖြစ်သဘေားထား ခဲ့ကြသော်လည်း အိန္ဒိယ နွယ်ဝင် အများစုမှာအနောက်အုပ်စုကို ရွံ့မုန်းသော သူများအတွက် ဟိန္ဒူထဲမှ ထွက်ပေါ်လာသော သူရဲကောင်း နိုင်ငံရေးသမားအဖြစ်ခဲ့ပါသည်။

သူ့အတွက်ကံကောင်းခဲ့သည်မှာ အတိုက်အခံ ကွန်ကရက်ပါတီကို ရာဟူးဂန္ဓီက ဦးဆောင်နေခြင်းပင်ဖြစ်သည်။ ဂန္ဒီကို အတိုက်အခံပါတီကြီး၏ခေါင်းဆောင်တစ်ဦးဆိုခြင်းထက် ဝန်ကြီးချုပ်နှစ်ဦး (ဖခင်ဖြစ်သူနှင့်အမေကြီးဖြစ်သူ) တို့၏ နွယ်ဝင်၊ အုပ်စု ပျက်နေပြီဖြစ်သောလူတစ်ဦးအဖြစ် မိုဒီက သဘောထားပါသည်။

အိန္ဒိယခေါင်းဆောင်များ၏တာဝန်မှာ စိတ်ဆိုးဒါသထွက်နေသော လူအုပ်ကြီး၏ဒေါသပြေသွားစေရန် လူနည်းစုများ၊ အိမ် ယာရွှေ့ပြောင်းလာသူများ၊ လစ်ဘရယ်များ ကိုခုတုံးလုပ်၍ အရင်းရှင်စ့နစ်ကိုထူထောင်ရန်ပင်ဖြစ်ပါသည်။ သူသည်ကံမ ကောင်းသူများအတွက် အလုပ်အကိုင်ဖန်တီးမ ပေးနိုင်ရှိကောင်းရှိမည်။ သို့ပါသော်လည်း သူကအင်္ဂလိပ်စကားပြောသော လူတန်းစား၊ ပါကစ္စတန်များ၊ မွတ်စလင်များ ကိုမုန်းတီးစကားဆိုခြင်းဖြင့်ထို အလုပ်အကိုင်မဲ့သူများကို နှစ်သိမ့်စေပြီးဖြစ်သည်။

(၃)
မစ္စတာမိုဒီသည် အန္ဒိယလူမျိုးများ၏တသိမ့်သိမ့်ဖြစ်နေသောဒေါသကိုမီးတောင်ကဲ့သို့ပေါက်ကွဲစေခဲ့ပြီးဖြစ်သည်။ သူသည်ဒီမိုကရက်တစ်အဆောက်အဦများကိုပြိုပျက်စေသည်သာမက လူဟူ၍ပင်သဘောမထားနိုင်ဘဲ တိုက် ခိုက်ခဲ့ပြီးဖြစ်သည်။ မိုဒီ ဖန်တီးပေးခဲ့သော အိန္ဒိယ၏ဖြစ်ပုံကိုကြည့်ပါ။ ၂၀၁၈ ဧပြီလအတွင်းက ဟိန္ဒူရှစ်ယောက် ကမွတ်စလင်အမျိုးသမီးငယ်ကိုဝိုင်းဝန်း မုဒိန်းကျင့်ပြီးသတ်ပစ်ခဲ့ရာတွင် အာဏာရပါတီကဘက်လိုက်မှုကို မိန်းမများက ဆန္ဒပြရာတွင် နိုင်ငံရေးသမားများ၊ ဥပဒေအရာရှိများ ရဲအရာရှိများကတစ်ခဲနက်ထောက်ခံ ခဲ့ကြပါသည်။

ဆင်းရဲ၍ဘာမှတွေးခေါ်မျှော်မြင်တတ်ခြင်းမရှိသော မဲပေးသူများက မိုဒီကိုအောင်မြင်မှုထပ်မံ ပေးလိုက်ပြန်ပါပြီ။ မိုဒီ သာမ ဟုတ်ဘဲ တစ်ခြားလူတစ်ယောက်အဖို့ဤအောင်မြင်မှုမျိုူးရရန်ခဲယဉ်းလှပါသည်။ ၂၀၁၄ တုန်းကလည်း ဟိန္ဒူ အစွန်းရောက်ဝါဒဖြင့်အောင်ပွဲခံခဲ့ပါသည်။ ယခုတစ်ခါလည်းမကြုံဘူးလောက်သော မဲများဖြင့် မိုဒီအောင်ပွဲ ခံပြန်ပါပြီ။ လူများစွာတို့အတွက်မူ အနာဂါတ်သည် ကြောက်စရာကောင်းလှပါသည်။

ကိုသန်းလွင် 
Ref: How Narender Modi Seduced India with Envy and Hate, By Pankaj Nishra New YorkTimes 23 May 2019